સોયબભાઈ મોહમ્મદભાઈ હાલપુત્રા તેના સબંધી સાથે બાઈકમાં પેટ્રોલ પુરાવીને ઘરે જતો હતો. ત્યારે આસ્થા કોમ્પલેક્ષમાં ટ્રાન્સપોર્ટની ઓફિસ ચલાવતા સુમેરભાઈ લોલાડીયાએ ગેલેરીમાં ઉભા રહી સોયબભાઈ ને ઇશારા કરીને મુછે હાથ ફેરવતા સોયબભાઈએ તેના મામાના દિકરા અરમાનભાઈ સુલતાનભાઈને બોલાવીને સુમેર ભાઈની ઓફિસે ગયા હતા. જ્યાં સોયબની કાકાની દીકરીને સુમેરે અવારનવાર ફોન કરીને તેનું લગ્નજીવન બરબાદ કર્યું હોવાનું અને તેના કારણે છૂટાછેડા થયા હતા. તેથી સોયબના પરિવાર સામે મૂછ પર હાથ ફેરવતો હોય સોયબ અને અરમાનભાઈ સમજાવવા જતા ઝઘડો થયો હતો.ઝઘડાની જાણ થતા સોયબના દાદા જાન મોહમ્મદભાઈ અને સમીરભાઈ અને તેનો કાકાનો દીકરો સાદિક આવતા બોલાચાલી થતા સુમેરભાઈએ છરી કાઢીને સમીરભાઈને પેટના ભાગે અને ખંભાના ભાગ છરી મારતા પડી ગયા હતા. ત્યાંથી ચોટીલા રેફરલ હોસ્પિટલ ખાતે પ્રાથમિક સારવાર કરાવીને રાજકોટ ખાનગી હોસ્પિટલમાં દાખલ કરવામાં આવ્યા હતા. તેને પોલીસ ફરિયાદ કરી અને તેની તપાસ ચોટીલા પોલીસ સ્ટેશન ના પી.એસ.આઇ એએસ બારીયા અને પોલીસ સ્ટાફ દ્વારા આગળની કાર્યવાહી હાથ ધરી છે.