আজি ঘোষিত হাইস্কুল শিক্ষান্ত পৰীক্ষাত নলবাৰী জিলাৰ বৰভাগ ৰাজহচক্ৰৰ অন্তৰ্গত শংকৰদেৱ বিদ্যা নিকেতন,বাহাৰঘাটৰ ছাত্ৰ মৃগাংক ভট্টাচাৰ্যই ৰাজ্যৰ ভিতৰতে তৃতীয় স্থান পাই শিক্ষানুষ্ঠান খনৰ লগতে অঞ্চলটোলৈ সুুনাম কঢ়িয়াই আনে৷মৃগাংক বৰখালা নিবাসী তথা বৰখালা যোগেশ্বৰী দৰ্শন বিদ্যালয়ৰ শিক্ষক দিলীপ কুমাৰ ভট্টাচাৰ্য আৰু নৱনীতা দেৱীৰ কনিষ্ঠ পুত্ৰ৷আজি ফলাফল ঘোষণাৰ পিচতে বিদ্যালয় খনত আনন্দৰ জোৱাৰ উঠে৷বিদ্যালয়ৰ ছাত্ৰছাত্ৰী,শিক্ষক শিক্ষয়িত্ৰী তথা একাংশ অভিভাৱক ও হিতাকাংক্ষীয়ে ফটকা ফুটাই,ফাকু খেলি আনন্দ কৰা দেখা যায়৷আনহাতে কৃতি ছাত্ৰজনক লৈ এটি আকৰ্ষনীয় শোভাযাত্ৰা উলিয়াই আনন্দ প্ৰকাশ কৰে৷উল্লেখযোগ্য যে বিদ্যালয় খনত এইবেলি ৫৬ গৰাকী পৰীক্ষাৰ্থীৰ আতাইকেইগৰাকীয়ে উত্তীৰ্ণ হৈ এশ শতাংশই উত্তীৰ্ণৰ ধাৰাবাহিকতাা অক্ষুণ্ণ ৰাখে৷ইয়াৰোপৰি বিদ্যালয় খনৰ পৰা পূৰ্বে আন তিনি পৰীক্ষাৰ্থীয়ে স্থান লাভ কৰি সুনাম কঢ়িয়াই আনিছিল৷আনহাতে বিগত ২০০৯ চনৰ পৰা হাইস্কুল শিক্ষান্ত পৰীক্ষাত ছাত্ৰছাত্ৰী অৱতীৰ্ণ হৈ তেতিয়াৰে পৰা এশ শতাংশ উত্তীৰ্ণৰ ধাৰা আজি পৰ্য্যন্ত অব্যাহত থকাত সচেতন ৰাইজৰ মাজত আনন্দৰ জোৱাৰ উঠিছে৷৷
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
