আগন্তুক লোক সভাৰ বাবে সম্পূৰ্ণ সাজু আম আদমী পাৰ্টি ৷ অসমৰ ১৪ টা লোকসভা সমষ্টিত প্ৰাৰ্থীত্ব আগবঢ়াবলৈ সম্পূৰ্ণ সাজু আপ ৷ কলিয়াবৰৰ সাংসদ গৌৰৱ গগৈক ৰনত পেলাবলৈ কলিয়াবৰত শক্তিশালী প্ৰাৰ্থী প্ৰক্ষেপৰ চিন্তা চৰ্চা দলটোৰ ৷ বৰ্তমান বিজেপি চৰকাৰখনে একনায়কত্ববাদী, স্বেচ্ছাচাৰী শাসন চলোৱাৰ লগতে গণতান্ত্ৰিক অধিকাৰ খৰ্গ কৰিছে ৷ বিজেপিৰ জন বিৰোধী নীতিৰ প্ৰতিবাদ আপে সদায় কৰি যোৱাৰ লগতে আপ সদায় জনসাধাৰণৰ লগত থাকিব বুলি উল্লেখ কৰে ৷ বৰ্তমান ৰাজ্যৰ মুখ্যমন্ত্ৰীগৰাকীয়ে সংগঠনসমূহক চৰকাৰৰ বিৰুদ্ধে প্ৰতিবাদী কণ্ঠ ৰোধিবলৈ যি ব্যৱস্থা গ্ৰহণ কৰিছে তাৰ সম্পূৰ্ণৰূপে বিৰোধিতা কৰিছে আপে ৷ বিজেপিক পৰাস্ত কৰিবলৈ সকলো বিৰোধী দল একলগ হোৱাৰ বিষয়টোৰ সন্দৰ্ভত আপে কয় যে কেন্দ্ৰীয় নেতৃত্বই যি সিদ্ধান্ত লয় সেই সিদ্ধান্তই মানি ল’ব দলটোৰ ৰাজ্যিক নেতৃত্বই ৷ দলটোৰ আপৰ ৰাজ্যিক নিৰ্বাহকত দলটোৱে প্ৰতিটো সমষ্টিৰ ঘৰে ঘৰে গৈ দলটো শক্তিশালী কৰাৰ কথা উল্লেখ কৰে ৷ আনহাতে মিত্ৰতাৰ সন্দৰ্ভত কোনো লোকে অপপ্ৰচাৰ কৰাৰ কথা উল্লেখ কৰে আপৰ নেতা কমল কুমাৰ মেধীয়ে ৷ গোলাঘাটত অনুস্থিত হোৱা কাৰ্যনিৰ্বাহকত দলটোৰ উত্তৰ পূবৰ প্ৰভাৰী ৰাজেশ শৰ্মা, ৰাজ্যিক সভাপতি ড° ভবেন চৌধুৰী, কমল মেধিৰ লগতে ৰাজ্যিক নেতৃত্ব উপস্থিত থাকে ৷