মৰাণত সদৌ তাই আহোম ছাত্ৰ সন্থাই জনজাতি কৰণৰ দাবীত আৰু কেন্দ্ৰীয় চৰকাৰে অসমৰ ছয় গোষ্ঠীক জনজাতিকৰণ প্ৰতাৰণাৰ কৰাৰ বাবে আজি মৰাণ নগৰৰ মাজমজিয়াত প্ৰধান মন্ত্ৰী নৰেন্দ্ৰ মোডী আৰু মূখ্যমন্ত্ৰী হিমন্তবিশ্ব শৰ্মাৰ প্ৰতিমূৰ্তি দাহ কৰি প্ৰতিবাদ সাব্যস্তকৰে। আটাছুৰ কেন্দ্ৰীয় সমিতিৰ সহকাৰী সম্পাদক দেৱজিৎ গগৈ এই কাৰ্যসূচী ত উপস্থিত থাকি বিগত প্ৰায় ৩২ টা বছৰ তাই আহোম জনগোষ্ঠীটোক জনজাতি কৰণ কৰিবলৈ দাবী জনাই অহা সদৌ তাই আহোম ছাত্ৰ সন্থাই কেৱল মাত্ৰ চৰকাৰৰ পৰা প্ৰতাৰণা পাই আহিছে বুলি গুৰুত্বৰ অভিযোগ উত্থাপন কৰে । কেৱল মাত্ৰ নিৰ্বাচনৰ আগত জনজাতি কৰণৰ টোপ দি শাসনৰ গাদিলৈ অহা বিজেপি নেতৃত্বাধীন কেন্দ্ৰীয় আৰু ৰাজ্য চৰকাৰক এইবাৰ ইয়াৰ প্ৰত্যাহ্বান জনাই নিৰ্বাচনত ইয়াৰ প্ৰত্যুত্তৰ দিব বুলি সকিয়নি প্ৰদান কৰে আটাছুৰ কেন্দ্ৰীয় সমিতি ৰ সহকাৰী সম্পাদক দেৱজিৎ গগৈয়ে। আনহাতে যদি অনতিপলমে তাই আহোমকে ধৰি যি ছটা জনগোষ্ঠী জনজাতি কাৰণে সংগ্ৰাম কৰি আছে সেই জনগোষ্ঠীকেইটাক বিজেপি চৰকাৰে জনজাতিকৰণৰ মান্যতা প্ৰদান নকৰে তেনেহ'লে অনাগত দিনত উত্তাল প্ৰতিবাদ কৰিবলৈ বাধ্য হ'ব আৰু ইয়াৰ বাবে দায়ী বিজেপি চৰকাৰে হব বুলি সাংবাদিকক জানিব দিয়ে আটাছুৰ নেতাই ।