સુરેન્દ્રનગર સબ જેલમાં એક ગુનામાં સંડોવણાયેલી મહિલાની તબિયત લથડતા તંત્રમાં દોડધામ મચી હતી. જેમાં આ મહિલા કેદીને તાત્કાલિક અસરે પોલીસ જાપ્તા સાથે સારવાર માટે સુરેન્દ્રનગર શહેરની સાર્વજનિક હોસ્પિટલ ખાતે ખસેડવામાં આવી છે.આ મહિલા એક ગુનામાં સુરેન્દ્રનગરની સબ જેલમાં સજા ભોગવી રહી છે. ત્યારે હાલમાં સુરેન્દ્રનગર જિલ્લા અને તેના તાલુકા મથકે આગ ઓકતી કાળઝાળ ગરમીએ હાહાકાર સર્જ્યો છે. ત્યારે જેલમાં રહેલી ધ્રાંગધ્રાની મહિલાને જેલમા ગરમી લાગી જવાની ઘટના બની છે. તેનું બીપી લો થઈ જવાનાં કારણે તેનું એક બાજુનું અંગ ખોટું પડી ગયું હોવાનું પણ હાલમાં જાણવા મળી રહ્યું છે. ત્યારે તેને તાત્કાલિક અસરે સારવાર માટે હોસ્પિટલે ખસેડી અને સારવાર શરૂ કરવામાં આવી છે.