वाघोली येथील साईसत्यम परिसरात असलेल्या "शुभ सजावट" या मंडपाचे साहित्य असणाऱ्या गोडाउनला मध्यरात्रीच्या सुमारास भीषण आग लागली . या आगीत तीन जणांचा मृत्यू झाला आहे. गोडाऊनमधील  सिलेंडर फुटल्याने आग मोठ्या प्रमाणावर भडकली. उबाळेनगर मधील शुभ सजावट या मंडपाचे साहित्या असणारे गोडाउन आहे. या गोडाउनमध्ये रात्री ११.४५ च्या सुमारास अचानक आग लागली या आगी मध्ये  गॅस सिलेंडरचा स्फोट झाला. यामुळे सर्व गोडाउनला आग लागली. आगीची माहिती मिळताच पुणे महापालिकेच्या अग्निशमन दलाच्या पाच गाड्या आणि पुणे महानगर प्रादेशिक विकास प्राधिकरणाच्या (पीएमआरडीए) चार गाड्या घटनास्थळी दाखल झाल्या. घटनास्थळी दाखल होताच अग्निशमन दलाच्या जवानांच्या अथक प्रयत्नातून आग आटोक्यात आणण्यात आली. त्यामुळे मोठा अनर्थ टळला. आग लागलेल्या गोडाउनच्या शेजारीच ४०० सिलेंडरने भरलेले आणखी एक गोडाऊन होते. मंडपाचे साहित्य असणाऱ्या गोडाउनची आग शेजारच्या गोडाउनला लागली असती तर मोठी दुर्घटना घडली असती. सुदैवाने मोठा धोका टळला. PMRDA व महानगर पालिका मुख्य अग्निशमन अधिकारी देवेंद्र पोटफोडे यांच्या मार्गदर्शनाखाली आगीव नियंत्रणात आणण्यात अग्निशमन दलाच्या जवानांच्या यश आले