সৰুপথাৰ সমষ্টিত বিধায়ক বিশ্বজিৎ ফুকনৰ সৱল নেতৃত্বত উন্নয়নৰ ধাৰা তৰাম্বিত । গোলাঘাট জিলাৰ সৰুপথাৰ সমষ্টিৰ মৰঙী মৌজাৰ সাৰৰ গাঁও পকী পথৰ শুভ উদ্বোধন । বিধায়ক বিশ্বজিৎ ফুকনৰ উদ্যোগত নুমলীগড় শোধনাগাৰৰ সামাজিক উন্নয়ন পুঁজিৰে নিৰ্মাণ কৰা মৰঙীৰ সাৰৰ গাঁও পথচোৱা আজি বিধায়কে আনুষ্ঠানিকভাৱে মুকলি কৰে । এই উপলক্ষে অনুষ্ঠিত হোৱা উদ্বোধনী অনুষ্ঠানত নুমলীগড় মানৱ সম্পদ বিভাগৰ মহাপ্ৰৱন্ধক মিণ্টু কুমাৰ সন্দিকৈ সন্মানীয় অতিথি হিচাপে অংশগ্ৰহণ কৰি বক্তব্য আগবঢ়ায় ।অনুষ্ঠানত মৰঙী জিলা পৰিষদৰ সদস্য পুৰবী শৰ্মা, জ্যোষ্ঠ সাংবাদিক,অসম সাহিত্য সভাৰ কেন্দ্ৰীয় সাংগঠনিক সম্পাদক দিগন্ত কুমাৰ ভূঞা, মৰঙী উন্নয়ন খণ্ডৰ সভাপতি পল্লৱ চেতীয়া আদিয়ে বিশিষ্ট অতিথি হিচাপে অংশগ্ৰহণ কৰে । সাৰৰ গাওঁবাসী ৰাইজৰ দীৰ্ঘদিনীয়া সমস্যা সমাধান কৰি পথচোৱা সুন্দৰভাৱে নিৰ্মাণ কৰি দিয়াৰ বাবে ৰাইজে বিধায়ক বিশ্বজিৎ ফুকনক কৃতজ্ঞতা জনাইছে ।