પાવીજેતપુર તાલુકાના પાની ગામે સાસરી માં લગ્નમાં ગયેલા યુવાનની બાઈક ચોરાઈ
પાવીજેતપુર તાલુકાના કદવાલ ગામના યુવાન પાની ગામે પોતાની સાસરીમાં લગ્નમાં ગયા હોય ત્યારે સ્ટેરીંગ લોક કરી રાત્રિના ઘર આંગણે મુકેલ બાઇકની ચોરી થઈ જતા કદવાલ પોલીસ સ્ટેશનમાં ફરિયાદ નોંધાવા પામી છે.
પાવી જેતપુર તાલુકાના કદવાલ ગામે રહેતા મનીષભાઈ કેસરસિંહ બારીયા ૧૮ એપ્રિલના રોજ પાની ગામે પોતાની સાસરીમાં લગ્ન માં ગયા હતા. રાત્રિના લગ્નનું કામકાજ પતાવી મનીષભાઈએ પોતાના સસરાના ઘર આંગણે પોતાની મોટરસાયકલ નંબર જી.જે. ૩૪- સી - ૧૬૧૬ સ્ટેરીંગ લોક કરીને પાર્ક કરી હતી. વહેલી સવારે ઉઠી જોતા ઘર આંગણે પાર્ક કરેલી બાઈક ગાયબ થઈ ગઈ હતી. મનીષભાઈ પોતાના મિત્રો તેમજ સગા સંબંધીઓને ત્યાં આજુબાજુ વધુ તપાસ કરતા તેઓની બાઈક ન મળી આવતા અંતે કદવાલ પોલીસ સ્ટેશનમાં બાઇક ચોરાયા ની ફરિયાદ નોંધાવતા કદવાલ પોલીસે અજાણ્યા ચોર વિરુદ્ધ ગુનો નોંધી વધુ તપાસ હાથ ધરી છે.
આમ, પાવીજેતપુર તાલુકાના પાની ગામે સાસરીમાં લગ્નમાં ગયેલા યુવાનની બાઈક રાત્રીના ચોરાતા કદવાલ પોલીસ સ્ટેશનમાં ફરિયાદ થવા પામી છે.
