নলবাৰী জিলাৰ বৰভাগ ৰাজহচক্ৰৰ অন্তৰ্গত ঐতিহ্যমণ্ডিত দেহাৰকুছি মনসাপীঠত আজি দিনজোৰা কাৰ্য্যসূচীৰে ভঠেলি উৎসৱ উদযাপন কৰে৷উল্লেখ্য যে অতীতৰে পৰা হাতীমাৰিৰ ভঠেলি খ্যাত উক্ত উৎসৱটি প্ৰতিবছৰে বহাগ মাহৰ চাৰি তাৰিখে অনুষ্ঠিত কৰি আহিছে৷মনকৰিবলগীয়া যে মাজতে উক্ত উৎসৱটো কিছু পৰিমাণে ম্লান পৰিছিল যদিও বৰ্তমান কেইজনমান উৎসাহি কিশোৰ তথা যুৱকৰ প্ৰচেষ্টাত পূনৰ প্ৰান পাই উঠিছে৷আজি পূৱাৰে পৰা গাওঁখনত উৎসৱমুখৰ পৰিবেশৰ সৃষ্টি হৈছে৷ভঠেলি মানে হল বাহৰ পূজা আনহাতে কিছুমানে বাহৰ বিয়া বুলি কয়৷কৃষিভিত্তিক উক্ত উৎসৱ বেচিভাগে প্ৰচীন কামৰূপত প্ৰচলিত৷আজি উক্ত উৎসৱ উপলক্ষে দুপৰীয়া পাৰ উত্তোলন,ৰাজহুৱা ভোগ গ্ৰহণৰ পিচতে আমন্ত্ৰিত পাঠকৰ নাগাৰানাম প্ৰদৰ্শন কৰে৷ভঠেলি উৎসৱত যথেষ্ট ৰাইজৰ সমাগম হয়৷