আজি অসমীয়াৰ হেপাহৰ ৰঙালী বিহুৰ পঞ্চমটো দিন৷সাতদিন ধৰি উদযাপিত হোৱা ৰঙালী বিহুৰ আজিৰ দিনটোক চেনেহী বিহু বুলি কয়৷তদুপলক্ষে আজি নলবাৰী জিলাৰ দেহাৰকুছি ৰাজ্যিক পশু চিকিৎসালয় চৌহদত এলানি গছপুলি ৰোপণ কাৰ্য্য অনুষ্ঠিত কৰে৷পশু চিকিৎসালয় খনৰ পশু চিকিৎসা বিষয়া ডা°পংকজ গোবিন্দ মেধিৰ তৎপৰাত জ্যেষ্ঠ ক্ষেত্ৰ সহায়ক ফুনু মেধি গোস্বামী,ক্ষেত্ৰ সহায়ক জুবেৰ ৰহমান আৰু চতুৰ্থশ্ৰেণীৰ কৰ্মচাৰী মাধৱ দাসৰ সহযোগত অনুষ্ঠিত কৰা গছপুলি ৰোপণ কাৰ্য্যসূচীত ৰোপক হিচাবে অংশগ্ৰহণ কৰে দেহাৰকুছি গাৱঁৰ সমাজকৰ্মী প্ৰফুল্ল ভট্ট,সাংবাদিক নৰেন শৰ্মা আৰু কিচ্‌মৎ গাৱঁৰ যুৱ সমাজসেৱী বিজু কলিতাই ৰোপক হিচাবে উপস্থিত থাকে৷অনুষ্ঠানত কেইবাটাও ফলৰ পুলি ৰোপণ কৰে৷উল্লেখ্য যে উক্ত পশু চিকিৎসালয় খনে যোৱা ১৪ এপ্ৰিলত গৰুবিহু উদযাপন কৰিছিল৷