ভাৰতীয় জনতা পাৰ্টীৰ ৪৪ সংখ্যক প্ৰতিষ্ঠা দিৱস উপলক্ষে ৬ এপ্ৰিলৰ পৰা ১৪ এপ্ৰিললৈকে চলি থকা সামাজিক ন্যায় সপ্তাহ উপলক্ষে আজি বাকসা জিলাৰ বাগানপাৰা মণ্ডলৰ মেৰকুছিত এখন জনজাগৰণ সভা অনুষ্ঠিত হয়৷ ভাৰতীয় জনতা পাৰ্টীৰ বাকসা জিলা সংখ্যালঘু মৰ্চাৰ সভাপতি ৰাজীৱ চৌধুৰীৰ সঞ্চালনাত অনুষ্ঠিত হোৱা সভাখনত বাকসা জিলা বিজেপিৰ সাধাৰণ সম্পাদক ৰিদীপ কুমাৰ ডেকা সমল ব্যক্তি হিচাপে উপস্থিত থাকে৷ সভাত ৰাজ্য আৰু কেন্দ্ৰীয় চৰকাৰে সংখ্যালঘু লোকসকলৰ বাবে প্ৰস্তুত কৰা আঁচনিসমূহ সুবিধা সমূহ জনসাধাৰণে লাভ কৰিবৰ বাবে তাৰ বাবে বিষদ ভাবে আলোচনা কৰা হয়৷ সভাত বিজেপিৰ বাগানপাৰা মণ্ডলৰ সভানেত্ৰী আৰতি বৰদলৈ, বিজেপিৰ সংখ্যালঘু মৰ্চাৰ সভাপতি হজৰত আলী, উপ-সভাপতি খগেন পাঠককে ধৰি ভালে সংখ্যক বিশিষ্ট ব্যক্তি উপস্থিত থাকে।