গোলাঘাটৰ বিশিষ্ট কণ্ঠশিল্পী স্বপ্না ৰাজখোৱাৰ বিহুসুৰীয়া আধুনিক গীতৰ ভিডিঅ' এলবাম 'আহিবি বিহুতে তই' মুকলি । এই উপলক্ষে গোলাঘাট প্ৰেছ ক্লাবত আয়োজিত গাম্ভীৰ্যপূৰ্ণ অনুষ্ঠানত প্ৰবীণ জ্যেষ্ঠ সাংবাদিক,অসম সাহিত্য সভাৰ কেন্দ্ৰীয় সাংগঠনিক সম্পাদক দিগন্ত কুমাৰ ভূঞা মুখ্য অতিথি হিচাপে উপস্থিত থাকি ভিডিঅ' এলবাম ' আহিবি বিহুতে তই' আনুষ্ঠানিকভাৱে উন্মোচন কৰে । বিশিষ্ট ঔপন্যাসিক পাৰিজাত বৰুৱাই আঁত ধৰা অনুষ্ঠানত পশ্চিম গোলাঘাট শাখা সাহিত্য সভাৰ সম্পাদক স্বাগতা বৰা,প্ৰবীণ শিল্পী মঞ্চ, গোলাঘাটৰ সম্পাদক ৰেকিব শ্বাহ, অসম জাতীয়তাবাদী যুৱ পৰিষদ, গোলাঘাট জিলা সমিতিৰ সম্পাদক ৰাজীৱ লস্কৰ,কণ্ঠশিল্পী সঞ্জয় চলিহা,অভিনেত্ৰী এহচান শ্বাহ আদি বিশিষ্ট অতিথি হিচাপে উপস্থিত থাকে ।
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
ভিডিঅ' এলবাম বিহুতে আহিবি তইৰ প্ৰযোজনা আৰু পৰিচালনা স্বপ্না ৰাজখোৱাৰ । চিনেমেটোগ্ৰাফী মিৰাজ তাজবীৰ ৰহমানৰ । উল্লেখ্য যে, গোলাঘাট নগৰৰ বিশিষ্ট কণ্ঠশিল্পী স্বপ্না ৰাজখোৱাই বিভিন্ন ঘাত-প্ৰতিঘাত,প্ৰত্যাহ্বান নেওচি ইতিমধ্যে গীতৰ বহুকেইটা অডিঅ', ভিডিঅ' এলবাম মুকলি কৰি জনপ্ৰিয়তা লাভ কৰিছে । আজি মুকলি কৰা বিহুসুৰীয়া গীতৰ ভিডিঅ' এলবাম ',আহিবি বিহুতে তইয়ে ৰাইজে আদৰি ল'ব বুলি কণ্ঠশিল্পী স্বপ্না ৰাজখোৱা আশাবাদী ।
