ફરાર આરોપીઓ ઝબ્બે: ગઢ પોલીસ સ્ટેશનના ખુનના ગંભીર ગુનામાં ફરાર આરોપીઓને પોલીસે ઝડપી પાડ્યા

ગઢ પોલીસ સ્ટેશન વિસ્તારમાં ખૂનના ગંભીર ગુનાના નાસતા ફરતા ત્રણ આરોપીઓને ગઢ પોલીસે ઝડપી પાડ્યા છે જેમાં ગઢ પોલીસ સ્ટેશનના પોલીસ સ્ટાફની અલગ અલગ ટીમો બનાવી હ્યુમન સોર્સ અને વૈજ્ઞાનિક ઢબે ગુનાના ત્રણેય આરોપીઓની શોધખોળ હાથ ધરી હતી ત્રણેય ઈસમોને ગણતરીના કલાકોમાં ઝડપી પાડ્યા હતા.

બનાસકાંઠા જિલ્લા પોલીસ વડા અક્ષયરાજ મકવાણા બનાસકાંઠા જીલ્લાનાઓએ જીલ્લામાં ગંભીર ગુનાના આરોપીઓને સત્વરે પકડી પાડવા બાબતે સૂચના કરેલ હોય જે મુજબ ગઢ ડી.ટી.ગોહીલ ઈન્ચાર્જ નાયબ પોલીસ અધિક્ષક ડીસા વિભાગ તેમજ આર.બી.ગોહીલ ઈન્ચાર્જ સર્કલ પોલિસ ઈન્સ નાઓના માર્ગદર્શન મુજબ પોલીસ ધરપકડથી બચવા સારૂ સંતાતા ફરતા હોય જેઓની તાત્કાલીક ધરપકડ કરવા સારુ ગઢ પોલીસ સ્ટેશનના પોલીસ સ્ટાફની અલગ અલગ ટીમો બનાવી હ્યુમન સોર્સ અને વૈજ્ઞાનિક ઢબે ગુનાના ત્રણેય આરોપીઓની શોધખોળ હાથ ધરેલ અને ગુનાના સંતાતા ફરતા આરોપીઓ ( 1 ) નારણજી નવાજી ઠાકોર ( 2 ) મહેશજી ઉર્ફે બાબુજી નારણજી ઠાકોર ( 3 ) શ્રવણજી ઉર્ફે સવુડો નારણજી ઠાકોર ત્રણેય રહેવાસી મડાણા ગઢ વાળાઓને ગણતરીના કલાકોમાં પકડી પાડી ત્રણેય આરોપીઓની ગુનાના કામે અટક કરી આગળની કાર્યવાહી હાથ ધરી છે.