নলবাৰী জিলাৰ বৰভাগ ৰাজহচক্ৰৰ অন্তৰ্গত ভৰালঁটোলাৰ বৰলীয়া নৈৰ ওপৰত থকা এখন বাহৰ জৰাজীৰ্ণ দলংৰ পৰা পৰি এজন যুৱক নিহত হোৱাত অঞ্চলজুৰি চাঞ্চল্যৰ সৃষ্টি হৈছে৷উল্লেখ্য যে আজি দুপৰীয়াৰ ভাগত কামৰূপ জিলাৰ হাজো সমষ্টিৰ অন্তৰ্গত বৰপূল্লা গাৱঁৰ মহিধৰ শইকীয়া(৪৮)ই ব্যক্তিগত কামত ভৰালঁটোলালৈ যোৱা অৱস্থাত উক্ত জৰাজীৰ্ণ দলংখনৰ পৰা নৈৰ পানীত পৰি তেওঁৰ মৃত্যু হয়৷লগেলগে স্থানীয় ৰাইজে পানীত নামি তেওঁৰ বিচাৰখোচাৰ কৰি উদ্ধাৰ কৰে যদিও যুৱকজনৰ মৃত অৱস্থাত পোৱা যায়৷মনকৰিবলগীয়া যে বিগত চাৰি বছৰে ধৰি উক্ত বাহৰ দলংখনৰ ওচৰৰে এখন পকী দলং নিৰ্মাণ কৰি আছেে যদিও ঠিকাদাৰৰ লেহেমীয়া গতিৰ বাবে আজিও দলংখন সম্পূৰ্ণ কৰিব পৰা নাই৷যাৰফলত পথচাৰীয়ে উক্ত জৰাজীৰ্ণ বাহৰ দলংৰে অহাযোৱা কৰিব লগা হৈছে৷ইতিমধ্যে যুৱকজনৰ মৃতদেহ ঘগ্ৰাপাৰ আৰক্ষীয়ে মৰনোত্তৰ পৰীক্ষাৰ বাবে প্ৰেৰণ কৰিছে৷জানিব পৰামতে মৃত যুৱকজনে পত্নী সহ চাৰি পুত্ৰক ইহসংসাৰত এৰি যায়৷৷
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
