ગીર ગઢડા તાલુકાની શ્રી નવા ઉગલા પ્રાથમિક શાળામાં શાળાનો વાર્ષિક ઉત્સવ, ધોરણ આઠના વિદ્યાર્થીઓનો વિદાય સમારંભ તેમજ વન વિભાગ દ્વારા ફાળવાયેલ પેવર બ્લોકનું ઉદ્દધાટન આમ ત્રિવિધ કાર્યક્રમ યોજવામાં આવ્યા હતા.
આ કાર્યક્રમમાં આમંત્રિત મહેમાનો તરીકે શ્રી એલ. બી. ભરવાડસાહેબ (આરએફઓ), શ્રી વી. આર. ચાવડાસાહેબ તેમજ શ્રી આર. એસ. સારલાસાહેબે હાજરી આપી હતી.
શાળાના વાર્ષિક ઉત્સવમાં બાળકો દ્વારા સ્વાગત ગીત, ડાન્સ, નાટક, વક્તવ્ય, પિરામિડ જેવા વિવિધ સાંસ્કૃતિક કાર્યક્રમ રજૂ કરવામાં આવ્યા હતા. આખા વર્ષ દરમિયાન વિવિધ સ્પર્ધામાં ભાગ લીધેલ બાળકો પ્રમાણપત્ર આપી શુભકામનાઓ પાઠવવામાં આવી હતી. આ ઉપરાંત શાળાને આપેલ દાનના દાતાઓનો આભાર વ્યક્ત કરવામાં આવેલ. તેમજ વન વિભાગના અધિકારીઓનું પણ આ કાર્યક્રમમાં સન્માન કરવામાં આવ્યું હતું.
આ તકે બહોળી સંખ્યામાં ગ્રામજનોએ હાજરી આપેલ હતી. શાળા પરિવાર દ્વારા આ કાર્યક્રમને સફળ બનાવવા બદલ શાળાના બાળકો, શિક્ષકો, એસએમસી સભ્યો, તેમજ કાર્યક્રમમાં ઉત્સાહપૂર્વક સેવા આપનાર તમામ યુવાનો અને ગ્રામજનોનો આભાર વ્યક્ત કરેલ.
