Tihu, Jor Samadal 

টিহু পৌৰসভাৰ উদ্যোগত স্বচ্ছ ভাৰত অভিযান আৰু নগৰীয়া জীৱিকা অভিযানৰ সহযোগত টিহুখন পৰিস্কাৰ কৰি ৰখাৰ উদ্দেশ্যে সোমাবাৰে সন্ধিয়া এক স্বচ্ছতা জাগৰণ কাৰ্যসূচী ৰূপায়ণ কৰা হয় । টিহু নগৰ খন আৱৰ্জনা মুক্ত আৰু প্লাষ্টিক মুক্ত কৰাৰ লক্ষ্যৰে টিহু পৌৰ সভাৰ উদ্যোগত সোমাবাৰে সন্ধিয়া এক বৃহৎ সজাগতা মুকল জোৰ সমদল উলিওৱা হয় । এই উপলক্ষে টিহু পৌৰসভাৰ পৌৰপতি হিমানী মজুমদাৰ, উপ-পৌৰপতি ড০ সুৰজিৎ বৰ্মন, টিহু পৌৰসভাৰ কাৰ্যবাহী বিষয়া উপাসনা ডেকা, টিহু পৌৰ সভাৰ নগৰ প্ৰকল্প বিষয়া অৰুনিমা বৰ্মন , প্ৰকল্প প্ৰৱন্ধক ৰিদীপ দলে প্ৰমুখ্যে টিহুৰ ৱাৰ্ড কমিছনাৰ, টিহু পৌৰসভাৰ কৰ্মচাৰী, বিভিন্ন আত্মসহায়ক গোট সমন্বিতে বৃহৎ দল এটাই হাতে হাতে বন্তি শিখা লৈ টিহু নগৰ পৰিভ্ৰমণ কৰি টিহু নগৰখন পৰিস্কাৰ কৰি ৰাখিবলৈ সকলোকে আহ্বান জনোৱাৰ লগতে প্লাষ্টিকৰ সামগ্ৰী যতে ততে পেলাই নিদিবলৈ আহ্বান জনায় ।