যুৱকৰ দাৰ ঘাপত মহিলা আহত
গোলাঘাট ২১ মাৰ্চ।
গোলাঘাটৰ বেঙেনাখোৱা চাৰিআলিত আজি এক চাঞ্চল্যকৰ ঘটনা সংঘটিত হয়। চুবুৰীয়াৰ ঘৰত নিজৰ হেৰুৱা গৰু বিচাৰিবলৈ যাওতে এগৰাকী মহিলাৰ "পেটৰ তলৰ অংশত" মাংস কটা দাৰে এজন যুৱকে আঘাত কৰাৰ ফলত মহিলা গৰাকী গুৰুতৰভাৱে আহত হয়। আহত মহিলা গৰাকী হ'ল ৰেচমা বেগম।
ঘটনা বিৱৰণ অনুসৰি যোৱা তিনিদিন ধৰি ৰেচমা বেগমৰ ঘৰৰ এটা গৰু হৈ সন্ধানহীনহৈ আছিল।আজি গৰুটো প্ৰতিবেশী অকমাণি বৰাৰ ঘৰত আছে বুলি গম পাই চাবলৈ বুলি যাওতেই অকনমানিয়ে প্ৰথমে কাজিয়াত লিপ্ত হয় আৰু নিজৰ ব্ৰয়লাৰ দোকানৰ পৰা ব্ৰয়লাৰ কটা দা খন আনি ৰেচমৰ আক্ৰমণ কৰে ।
গুৰুতৰভাৱে আঘাতপ্ৰাপ্ত পৰিয়ালৰ লোকে ৰেচমাক ততাতৈয়াকৈ শ্বহীদ কুশল কোঁৱৰ অসামৰিক চিকিৎসালয়ত ভৰ্তি কৰে। আৰক্ষীয়ে অনুসন্ধান অব্যাহত ৰাখিছে।
