राजस्थानच्या अलवरमध्ये एका बापाने आपल्या पोटच्या मुलीवर बलात्कार केल्याची घटना घडली आहे . रात्रीच्या वेळी आईने नऊ वर्षांच्या मुलीला वडिलांकडे झोपायला पाठवले तेव्हा त्याने रेप केला . मुलीला रक्तस्राव झाला , तिची प्रकृती एवढी बिघडली होती की तिच्या प्रायव्हेट पार्टला टाके घालावे लागले . सर्व काही माहीत असूनही घरातील सदस्य या नराधमाचा बचाव करत राहिले . सर्वांनीच मौन पाळले होते . ही घटना बेहरोर पोलिसांत नोंद झाली आहे . घटना कशी समोर आली ? 20 ऑक्टोबर रोजी सकाळी 11 च्या सुमारास अलवरमधील चाइल्ड हेल्पलाइन क्रमांक 1098 वर कॉल आला . संयोजक मुकेशकुमार पोसवाल फोन उचलतात . फोन करणारा एका दमात बोलू लागतो , ' ही घटना पाच - सहा दिवसांपूर्वीची आहे , बेहरोर गावात एका नऊ वर्षांच्या निष्पाप मुलीवर बलात्कार झाला आहे आणि हे क्रौर्य तिच्याच बापाने केले आहे . त्याच्या घरातील सगळ्यांना माहीत आहे , गावातल्याही काही लोकांना माहीत आहे , पण कोणी काही बोलत नाहीये साहेब . सर , त्या निष्पाप मुलीला वेदना होत आहेत , या क्रौर्यानंतर ती रक्तबंबाळ अवस्थेत आढळलीतिची प्रकृती पाहून कुटुंबीयांनी तिला गावातीलच एका डॉक्टरांकडे नेले . तिच्या प्रायव्हेट पार्टला नऊ टाके पडले आहेत . त्या डॉक्टरांनी त्या निरागस मुलीला टाके घालून घरी पाठवले , पण तिचा त्रास कमी झालेला नाही . तिच्या चेहऱ्यावर भीती आहे , ती घाबरलेली आहे . घर सोडूही शकत नाही . ती रडते , पण कोणीही तिचे रडणे ऐकत नाही किंवा तिची वेदना समजून घेत नाही . तुम्ही काहीतरी करा  .  एवढं बोलल्यावर फोन डिस्कनेक्ट होतो .