সৰুপথাৰত অনুষ্ঠিত হব কেন্দ্ৰীয় সতী সাধনী স্মৃতি দিৱস । তাৰ বাবে পূৰ্ণ প্ৰস্তুতি আজিৰে পৰা আৰম্ভ হৈছে । আজি সৰুপথাৰস্থিত দক্ষিণ খণ্ড উন্নয়ন বিষয়াৰ কাৰ্যলয়ৰ প্ৰেক্ষাগৃহত এখনি সাধাৰণ সভা অনুষ্ঠিত হয় । উক্ত সভাতে বিধায়ক বিশ্বজিৎ ফুকনক সভাপতি , মাধুয্য শইকীয়াক কায্যকাৰী সভাপতি আৰু মহকুমাধিপতি দিনচেংফা বৰুৱাক সম্পাদিকা, অভিজিৎ চুতীয়া আৰু অনুপ জ্যোতি বৰাক সহ: সম্পাদক হিচাপে লৈ এখনি শক্তিশালী উদযাপন সমিতি গঠন কৰা হয় । লগতে চুতীয়া জনগোষ্ঠীৰ আটাইকেইটা সংগঠনৰ বিষয়ববীয়া সকলক বিভিন্ন বিভাগত দায়িত্ব দিয়াৰ উপৰিয়ো ধনশিৰি বিভিন্ন জনগোষ্টীৰ ব্যক্তি সকলক স্মৃতি দিৱসৰ দায়িত্ব অৰ্পণ কৰি এখনি শক্তিশালী উদযাপন সমিতি গঠন কৰা হয় । সকলোৱে সতী সাধনী স্মৃতি দিৱসটি সর্বাংগ সুন্দৰ ভাবে উদযাপন হোৱাটো একান্তই কামনা কৰিছে ।