গোলাঘাটৰ আৰক্ষী নিবেশত চাঞ্চল্যকৰ ঘটনা ৷ নিজৰ নিবেশত আত্মহত্যা এগৰাকী আৰক্ষী কণিষ্ঠবলৰ ৷ আৰক্ষীগৰাকী গোলাঘাটৰ আৰক্ষী অধীক্ষকৰ দেহৰক্ষী ৰাকেশ ৰায় বুলি চিনাক্ত কৰা হৈছে ৷ কিন্তু কি কাৰণত আৰক্ষীগৰাকীয়ে এই চৰমপন্থা অৱলম্বন কৰিলে বৰ্তমানলৈকে জানিব পৰা নাই। বৰ্তমান আৰক্ষীগৰাকীৰ মৃতদেহ মৰোনোত্তৰ পৰীক্ষাৰ বাবে গোলাঘাটৰ শ্বহীদ কুশল কোঁৱৰ চিকিৎসালয়লৈ অনা হয় ৷ ৰাকেশ ৰয় আৰক্ষী নিবেশত আজি অকলশৰে থকাৰ বাবেই এনে ঘটনা সংঘটিত কৰাৰ আশংকা কৰা হৈছে ৷ আৰক্ষীৰ প্ৰকৃত তদন্তৰ পিছতহে পোহৰলৈ আহিব সমগ্ৰ ঘটনা ৷