આ અંગે મળતી માહિતી મુજબ મૂળ અરવલ્લી જિલ્લાના બાયડ તાલુકાના વાસણામોટા ગામનો અને હાલ નવસારી જિલ્લાના ચીખલી તાલુકાના ચાસા ગામે પથ્થર ફળિયામાં રહેતો આકાશ રમેશ પટેલ (૨૫)પોતાની મોટરસાયકલ પર મિત્ર અવિનાશ સાથે લગ્નમાં જવા નીકળ્યા રાત્રીના સમયે મહુવા તાલુકાના વેલણપુર ગામ નજીકથી પસાર થતી વખતે નહેર પાસે ચાલક આકાશે સ્ટેયરીગ પરથી કાબુ ગુમાવી દેતા મોટરસાયકલ સ્લીપ થઈ ગઈ હતી બંને યુવકો ફંગોળાઈને નહેરમાં પડ્યા હતા બીજા દિવસે સવારે નહેર કિનારેથી યુવકની મોટર સાયકલ અને નહેરના પાણીમાંથી આકાશની લાશ મળી આવી હતી જોકે સાથેનો યુવક હજી પણ ગુમ હોય તે નહેરમાં તણાઈ ગયો હોવાનું અનુમાન છે પોલીસે હાલ અવિનાશની શોધખોળ હાથ ધરી આગળની તપાસ શરૂ કરી છે