বহিঃৰাজ্যৰ বিদ্যুৎ চালিত গামোচাই এক প্ৰকাৰৰ বজাৰ দখল কৰিছিল অসমৰ । যিকোনো অনুষ্ঠানত কেৱল বহিঃৰাজ্যৰ গামোচাই সম্পন্ন কৰা দেখিবলৈ পোৱা গৈছিল । যাৰ পৰিপ্ৰেক্ষিতত হস্ত তাঁ‌তশালৰ শিপিনীসকল সমস্যাতে পৰিব লগা হৈছিল । কিন্তু অলপতে অসম চৰকাৰে বহিঃৰাজ্যৰ বিদ্যুৎ চালিত গামোচা, মেখেলাচাদৰ আদি অসমত বিক্ৰীৰ ক্ষেত্ৰত নিষেধাজ্ঞা জাৰি কৰাৰ পিছতে আনন্দিত হৈ পৰিছে অসমৰ হস্ত তাঁ‌তশালৰ শিপিনী সকল । আজি মৰাণত হস্ত তাঁ‌তশালত চাৰিখনকৈ ধৰ্ম গ্ৰন্থ বৈ উলিওৱা শিপিনী, পদ্মশ্ৰী সন্মান প্ৰাপক হেমপ্ৰভা চুতীয়াই চৰকাৰৰ এই পদক্ষেপক আদৰণি জনায় । তেওঁ কয় যে চৰকাৰে অসমীয়া শিপিনীক আদৰ জনাইছে । শিপিনী সকলে অনেক কষ্ট কৰি গামোচা বিলাক বয় । কিন্তু বহিঃৰাজ্যৰ গামোচা বিলাক কম দামতে দোকানত উপলব্ধ হোৱাৰ বাবে স্থানীয় শিপিনীসকলৰ গামোচা বিক্ৰী কৰিব পৰা নাছিল । চৰকাৰক এই পদক্ষেপ কঠোৰ ভাৱে বলবৎ কৰিবলৈ তেওঁ আহ্বান জনায় ।