আজিৰে পৰা হাইস্কুল শিক্ষান্ত পৰীক্ষা আৰম্ভ হৈছে৷ৰাজ্যৰ অন্যান্য কেন্দ্ৰৰ লগতে নলবাৰী জিলাৰ বৰখালাত অৱস্থিত পশ্চিম বড়িগোগ ধীৰদত্ত উচ্চতৰ মাধ্যমিক বিদ্যালয় পৰীক্ষা কেন্দ্ৰটো নিৰ্ধাৰিত সময়তে পৰীক্ষা আৰম্ভ হৈছে৷ইতিমধ্যে আজি পূৱাৰে পৰা কেন্দ্ৰটোত একাংশ উৎকন্থিত অভিভাৱকেে ভীৰ কৰা দেখা যায়৷কিন্ত পৰীক্ষা কেন্দ্ৰৰ ভিতৰত কোনো অভিভাৱক অথবা হিতাকাংক্ষীকে প্ৰবেশ কৰিব দিয়া নাই৷জানিব পৰামতে এইবেলি কেন্দ্ৰটোত মুঠ ২৫২ গৰাকী পৰীক্ষাৰ্থী আছে৷ইয়াৰে ১৩২ গৰাকী ছাত্ৰী হোৱাৰ বিপৰীতে ১২০ গৰাকী ছাত্ৰ আছে৷পৰীক্ষা কেন্দ্ৰটোত যাতে কোনো অপ্ৰীতিকৰ পৰিবেশৰ সৃষ্টি নহয় তাৰবাবে যাবতীয় ব্যৱস্থা গ্ৰহণ কৰিছে বুলি কেন্দ্ৰ পৰিচালকে জানিব দিছে৷