વડોદરા શહેરના નવાયાર્ડ વિસ્તારમાં દીપ મલ્ટિપ્લેક્સની સામે આવેલ શ્રીનગરમાં રહેતા અને આજવા ચોકડી પર આવેલ સ્ટાર ટેમ્પો સર્વિસ ટ્રાન્સપોર્ટ કંપનીમાં નોકરી કરતા દિનેશભાઈ નીંબાભાઇ સૂર્યવંશી ઉં. વર્ષ 39 શુક્રવારના રોજ સવારના સુમારે હાલોલ તાલુકાના ટીંબી પાટીયા ત્રણ રસ્તા ખાતેથી પોતાની પેશન પ્રો. મોટરસાયકલ લઈને પસાર થઈ રહ્યા હતા તે દરમ્યાન ટીંબી પાટીયા ત્રણ રસ્તા ખાતે વળાંકમાં કોઈ કારણોસર તેઓની મોટર સાયકલ સ્લીપ ખાઈ જતા અકસ્માત સર્જાયો હતો જેમાં મોટર સાયકલ સ્લીપ ખાઈ જતા ધડાકા ભેર મોટરસાયકલ સહિત દિનેશભાઈ રોડની સાઈડમાં બનાવેલી લોખંડની રેલીંગ સાથે જઈને ભટકાતા તેઓના માથામાં ગંભીર ઇજાઓ પહોંચવા પામતા ઘટના સ્થળે તેઓનું કરુણ મોત નિપજ્યું હતું જેમાં અકસ્માતનો બનાવ જોઈ આસપાસથી લોકો ઘટના સ્થળે દોડી આવ્યા હતા અને બનાવ અંગે તાત્કાલિક હાલોલ રૂરલ પોલીસને જાણ કરી હતી જેમાં પોલીસે ઘટના સ્થળે દોડી આવી દિનેશભાઈના મૃતદેહને પોસ્ટમોર્ટમ માટે હાલોલની રેફરલ હોસ્પિટલ ખાતે મોકલી આપી બનાવ અંગે દિનેશભાઈના પરિવારજનોને વડોદરા ખાતે જાણ કરતા દિનેશભાઈના પરિવારજનો હાલોલની રેફરલ હોસ્પિટલ ખાતે આવી પહોંચ્યા હતા. જ્યારે બનાવ અંગે દિનેશભાઈના કાકાના છોકરા ગણેશભાઈ સંજયભાઈ સૂર્યવંશીએ હાલોલ રૂરલ પોલીસ મથકે અકસ્માતની ફરિયાદ નોંધાવતા પોલીસે ગુનો નોંધી વધુ તપાસ હાથ ધરી છે.