હાલોલ તાલુકાના જાંબુડી ખાતે આવેલા નાયક ફળિયાના રહેણાંક મકાનમાંથી તાલુકા પોલીસે ચોક્કસ બાતમીના આધારે છાપો મારી 25,800/- રૂ.નો વિદેશી દારૂનો જથ્થો ઝડપી પાડ્યો હતો જેમાં જાંબુડી ખાતે વિદેશી દારૂનો ધંધો કરતા પિતા પુત્ર પૈકી પુત્રની અટકાયત કરી પોલીસે પિતા પુત્ર સામે ગુનો નોંધ્યો હતો. 

પ્રાપ્ત વિગતો અનુસાર હાલોલ પોલીસ મથકના પી.એસ.આઇ.પી.આર ચુડાસમા તેમજ પોલીસ કર્મચારીઓ પ્રણયસિંહ મનહરસિંહ, અશોકકુમાર રામસિંહ, રાહુલકુમાર રમેશભાઈ, જશવંતસિંહ મણીલાલ તેમજ ઇન્દ્રજીત નટવરસિંહનાઓએ પેટ્રોલિંગ દરમ્યાન અંગત બાતમીદાર પાસેથી મળેલ ચોક્કસ બાતમીના આધારે રૂરલ પોલીસ ટીમે હાલોલ તાલુકાના જાંબુડી ગામે નાયક ફળિયામાં રહેતા ગોપાલભાઈ ગલસિંગભાઈ રાઠવાના રહેણાંક મકાનમાં છાપો મારી મકાનમાંથી ભારતીય બનાવટની વિદેશી દારૂની બોટલ 258 નંગ જેની અંદાજિત કિંમત 25,800/- રૂ.નો વિદેશી દારૂનો જથ્થો ઝડપી પાડ્યો હતો જેમાં પોલીસે રહેણાંક મકાનમાં દારૂનો ધંધો કરતા પિતા પુત્ર પૈકી પુત્ર ગોપાલભાઈ ગલસિંગભાઈ રાઠવાને ઝડપી પાડ્યો હતો જ્યારે ગોપાલભાઈ ના પિતા ગલસીંગભાઇ નાનજીભાઈ રાઠવા ઘરે હાજર ન મળી આવતા પોલીસે બન્ને પિતા પુત્ર સામે હાલોલ રૂરલ પોલીસ મથકે પ્રોહિબિશન એકટ હેઠળ ગુનો નોંધી આગળની કાયદાકીય કાર્યવાહી હાથ ધરી છે.