গোলাঘাটৰ তৰফাট অঞ্চলত ডেউকা ভাঙি পৰি থকা অৱস্থাত উদ্ধাৰপৰিভ্ৰমী চৰাই দেউ ৰাজহাঁহ l গোলাঘাট তৰফাটত আজি পুৱাই স্থানীয় লোকে উদ্ধাৰ কৰে দিনক দিনে লুপ্তপ্ৰায় হবলৈ ধৰা আপুৰুগীয়া পৰিভ্ৰমী পক্ষী দেউ ৰাজহাঁহ l স্থানীয় এজন লোক পথাৰলৈ যাওঁতেই পথাৰত ডেউকা ভাঙি পৰি থকা অৱস্থাত দেউ ৰাজহাঁহ প্ৰত্যক্ষ কৰি গোলাঘাট বন বিভাগক খবৰ দিয়াত বন বিভাগৰ লোক আহি উক্ত স্থানত উপস্থিত হৈ দেউ ৰাজহাঁহ টোক উদ্ধাৰ কৰি চিকিৎসাৰ বাবে লৈ যায় lবনবিভাগৰ লোকে জনোৱা মতে সাধাৰণতে অক্টোবৰ মাহত প্ৰায় ১০০০ কি মি বাট অতিক্ৰম কৰি অসমত প্ৰৱেশ কৰে এই চৰাই বিধ।গ্ৰীস্মৰ আগমনৰ আগে আগে অসমৰ পৰা পুনৰ উৰা মাৰে নিজৰ অঞ্চললৈ।নিশ্চয় নিজৰ দলৰ পৰা আঁতৰি বাট হেৰুৱাই এই অঞ্চলত পৰিলহি চৰাইজনী।বনবিভাগে চৰাইজনীক উদ্ধাৰ কৰি চিকিৎসা সেৱা আগবঢ়াই মুকলি কৰি দিব কাজিৰঙাত।এনে কিছুসংখ্যক জীৱপ্ৰেমী থকাৰ বাবেই,আজিও মুক্ত মনেৰে উৰি বিচৰণ কৰি ফুৰিব পাৰে এই সমূহ পৰিভ্ৰমী চৰাই।যদি কোনো দুষ্ট লোকৰ হাতত চৰাই বিধ পৰা হলে,নিশ্চয় আজি এই পৰিভ্ৰমী চৰাইজনীক হত্যা কৰি ভক্ষন কৰিলে হয়।