ডিব্ৰুগড় জিলাৰ মৰাণৰ তিলৈ তেল ডিপুৰ সমীপৰ ৩৭ নং ৰাষ্ট্ৰীয় ঘাইপথত সংঘটিত হৈছে ভয়ংকৰ পথ দুৰ্ঘটনা। ডাম্পাৰ আৰু কাৰৰ মাজত মুখামুখী সংঘৰ্ষৰ ফলতেই সংঘটিত হৈছে এই ভয়ঙ্কৰ পথ দুৰ্ঘটনাটো। দুৰ্ঘটনাৰ ফলত কাৰত থকা চাৰিজন আৰোহী গুৰুতৰভাৱে আহত হয়। আহত চাৰিজনক সংকটজনক অৱস্থাত ডিব্ৰুগড়ৰ অসম চিকিৎসা মহাবিদ্যালয়লৈ প্ৰেৰণ কৰা হৈছে। আহত সকলৰ ভিতৰত মৰাণৰ প্ৰতিস্থিত ব্যৱসায়ী অমিত জৈন আৰু তেওঁৰ দুগৰাকী কন্যা আৰু বাহন চালক বুলি জানিব পৰা গৈছে । দুৰ্ঘটনাৰ প্ৰকৃত কাৰণ এতিয়াও জানিব পৰা নাই । ঘটনাস্থলীত আৰক্ষী উপস্থিত হৈ আৰম্ভ কৰিছে তদন্ত।