অসম প্ৰদেশ কংগ্ৰেছৰ বিহপুৰীয়া আৰু নাৰায়ণপুৰ ব্লক কংগ্ৰেছৰ উদ্যোগত নাৰায়ণপুৰৰ জৰাবাৰীস্থিত জ্যোতিসংগম প্ৰেক্ষাগৃহত আজি অনুষ্ঠিত হয় উত্তৰ অসম মান্ডলিক সভা ৷ “Haath se Haath Jado Abhiyan” উদ্দেশ্যি অনুষ্ঠিত সভাখনত নিখিল ভাৰত কংগ্ৰেছ কমিটিৰ পৰ্যবেক্ষক , ৰাজ্যসভাৰ সাংসদ ৰঞ্জিত ৰঞ্জন , প্ৰদেশ কংগ্ৰেছৰ সভাপতি ভুপেন কুমাৰ বৰা , কংগ্ৰেছ বিধায়িনী দলৰ দলপতি দেৱব্ৰত শইকীয়াক, নিখিল ভাৰত কংগ্ৰেছ কমিটিৰ সম্পাদক বিকাশ উপাধ্যায় , প্ৰদেশ কংগ্ৰেছ কমিটিৰ কাৰ্যকৰি সভাপতি ৰাণা গোস্বামী মহিলা সভানেত্ৰী মীৰা বৰঠাকুৰকে প্ৰমুখ্যে কেইবাজনো বিধায়ক আৰু বিশ্বনাথ , শোণিতপুৰ ,ধেমাজী আৰু লখিমপুৰ জিলা সভাপতি আৰু কৰ্মীক লৈ অনুষ্ঠিত হয় মান্ডলিক সভাখন ৷ অপূৰ্ব কুমাৰ ভট্ৰাচাৰ্যই আঁত ধৰা সভাখনত মুখ্য বক্তাৰুপে ভাষণ প্ৰদান কৰে নেত্ৰী ৰঞ্জিত ৰঞ্জন , ভুপেন কুমাৰ বৰা , ৰানা গোস্বামী দেবব্ৰত শইকীয়া আৰু মীৰা বৰঠাকুৰে ৷ হাথ চে হাথ জোড়ো কাৰ্যসুচী সফল ৰূপায়নৰ লগতে আগন্তুক পঞ্চায়ত নিৰ্বাচন আৰু লোকসভা নিৰ্বাচনত দলক শক্তিশালী কৰিবলৈ কৰ্মীসভা খন অনুষ্ঠিত কৰা বুলি জানিবলৈ দিয়ে বিধায়িনী দলৰ দলপতি দেৱব্ৰত শইকীয়াই ৷