ভাৰতীয় ষ্টেট বেংকৰ কামৰূপ জিলাৰ বাইহাটা চাৰিআলি শাখাস্থিত চৌহদত আজি সন্ধিয়া প্ৰায় ৫-৪০  বজাত আকস্মিকভাৱে এক অগ্নিকাণ্ড সংঘটিত হয় । খৱৰমতে,চৌহদটোৰ নীডছ টেকনিকেল ইনষ্টিটিউট নামৰ প্ৰতিষ্ঠানস্থিত কোঠাৰ পৰা বাহিৰলৈ ধোৱা নিৰ্গত হোৱা প্ৰত্যক্ষ হয় স্থানীয় একাংশ লোকৰ । ইয়াৰ পিছত খৱৰ দিয়াত অগ্নিনিৰ্বাপক বাহিনীৰ কৰ্মচাৰী ঘটনাস্থলীত উপস্থিত হৈ অগ্নি নিৰ্বাপনৰ চেষ্টা চলায় । অৱশ্যে সন্ধিয়া ৬-৩০ মান বজালৈ অগ্নি সম্পূৰ্ণৰূপে নিৰ্বাপন নোহোৱাৰ লগতে  অগ্নিকাণ্ডৰো সঠিক কাৰণো জানিৱ পৰা নাই । অৱশ্যে,শ্বৰ্টচাৰ্কিটৰ ফলতে এই অগ্নিকাণ্ড সংঘটিত হোৱাৰ ধাৰণা কৰা হৈছে । উল্লেখ্য, এই  নীডছ টেকনিকেল ইনষ্টিটিউটটোত দক্ষ ভাৰত অভিযানৰ অধীনত অসম দক্ষতা বিকাশ অভিযানৰ এটি প্ৰশিক্ষণ কেন্দ্ৰ চলি আছে ৷