ખંભાતના કતકપુર નજીક આવેલ ત્રણ ઓરડી ગેસ ગોડાઉન પાસે ગત રાત્રિએ ૩૩ વર્ષીય યુવકનું સાયકલ પરથી પડી જતા શંકાસ્પદ મોત નીપજ્યું છે.જો કે પોલીસે યુવકના મૃતદેહને સરકારી હોસ્પિટલમાં પી.એમ.અર્થે ખસેડીને તપાસ આદરી છે.નોંધનીય છે કે, ગત રાત્રિએ કતકપુર નજીક જાહેર માર્ગને અડીને હેતુભાઈ હસમુખભાઈ ઠાકોરનું સાયકલ પડી જતા શંકાસ્પદ મોત નીપજતા મૃતકના પરિવારજનોમાં ભારે શોકની લાગણી વ્યાપી છે.જો કે આ ઘટનાને લઈને શહેરમાં હત્યા કરી હોવાની સંભાવના ચર્ચાઓ થવા પામી છે.જે શંકાસ્પદ મોતને લઈને ખંભાત શહેર પોલીસ પણ પી.એમ.કરાવી આગળની તપાસ કરી રહી છે.
(સલમાન પઠાણ-ખંભાત)
