કડી હાઇવે ઉપર મહિલા ઉપર પતિ દ્વારા જ એસિડ વડે હુમલો કરાતા મહિલાને ઇજાઓ પહોંચી હતી. જેથી તેને ભાગ્યોદય હોસ્પિટલમાં સારવાર માટે ખસેડવામાં આવી હતી.

કડી શહેરમાં રહેતી એક મહિલાનો તેના પતિ સાથે અણબનાવ બનતો હોવાથી કડી કોર્ટની અંદર કેસ ચાલતો હતો. જે બાબતે આજે કોર્ટની મુદત હતી. તેમના પતિ પણ કોર્ટની અંદર આવ્યા હતા. જે બાદ મુદત પતાવીને પતિ-પત્ની અને પરિવાર સાથે પોત પોતાના ઘરે જતા રહ્યાં હતા. તે દરમિયાન રિલાયન્સ પેટ્રોલ પંપની બાજુમાં આવેલા વાત્સલ્ય વાટીકા સોસાયટી પાસે પોતાના ભાઈ સાથે એકટીવા ઉપર મહિલા જઈ રહી હતી. તે દરમિયાન પતિએ એસિડ નાખીને હુમલો કર્યો હતો અને પતિ પોતાની ગાડી લઈને ફરાર થઈ ગયો હતો. જ્યાં મહિલાને કડીની ભાગ્યદય હોસ્પિટલમાં સારવાર અર્થે લઈ જવામાં આવી હતી અને ઘટનાસ્થળે પોલીસ દોડી આવી હતી અને આગળની કાર્યવાહી કરી હતી.

મહિલાના લગ્ન આજથી 10 વર્ષ પૂર્વે બરોડા ખાતે થયા હતા અને અઢી વર્ષ પૂર્વે પોતાના પતિ સાથે અણબનાવ બનતા તેઓ પોતાના પિયર કડી ખાતે રહેતા હતા. અઢી વર્ષ પૂર્વે કડી કોર્ટની અંદર કેસ દાખલ કરવામાં આવ્યો હતો. જે બાબતે આજે મુદત હોવાથી પતિ અને પત્ની બંને જણા કોર્ટની અંદર આવ્યા હતા અને મુદત પતાવ્યા બાદ પોત પોતાના ઘરે જઈ રહ્યા હતા. જે દરમિયાન વાત્સલ્ય વાટિકા રિલાયન્સ પેટ્રોલ પંપ પાસે પોતાના ભાઈ સાથે મહિલા પહોંચતા પાછળથી આવી રહેલા પતિએ એસિડ વડે હુમલો કર્યો હતો.