વડગામથી ખેરાલુ રોડ પર કાર ચાલકે 2 વિદ્યાર્થિનીઓને ટક્કર મારી હતી. જેથી અકસ્માત સર્જાયો હતો. જેમાં બન્ને વિદ્યાર્થિનીઓને ઇજાઓ પહોંચી હતી. જેથી તેઓને સારવાર અર્થે હોસ્પિટલમાં ખસેડવામાં આવી છે. સમગ્ર ઘટનાના સી.સી.ટી.વી. કેમેરામાં પણ સામે આવ્યા છે.

બનાસકાંઠા જીલ્લામાં અકસ્માતની ઘટનામાં સતત વધારો થઇ રહ્યો છે. ત્યારે વડગામ-ખેરાલુ રોડ પર અકસ્માતની ઘટના સામે આવી છે. જેમાં પુરઝડપે આવી રહેલા એક કાર ચાલકે 2 વિદ્યાર્થિનીઓને અડફેટે લીધી હતી. આ અકસ્માતમાં બંને વિદ્યાર્થિનીઓને ઇજાઓ પહોંચી હતી. જેથી બન્ને વડગામની હોસ્પિટલમાં સારવાર અર્થે ખસેડવામાં આવી છે. જ્યારે કાર ચાલક ટક્કર મારીને ફરાર થઇ ગયો હતો. આ સમગ્ર ઘટના સી.સી.ટી.વી. કેમેરામાં પણ કેદ થઇ હતી.