অহা ২৫ ফেব্ৰুৱাৰীৰ পৰা ২৭ ফেব্ৰুৱাৰীলৈকে নাৰায়ণপুৰ ৰাজহচক্ৰৰ অন্তৰ্গত যোৰহটীয়া গাঁৱৰ নৰহৰি সমন্বয় ক্ষেত্ৰত অনুষ্ঠিত হ’ব শ্ৰীমন্ত শংকৰদেৱ নামধৰ্ম সেৱক সমাজৰ ৩২ সংখ্যক ৰাজ্যিক অধিৱেশন ৷ সেই উপলক্ষে আজি ক্ষেত্ৰখনত ভকতবৈষ্ণৱৰ উপস্থিতিত লাইখুঁটা স্থাপন কাৰ্য সম্পন্ন হয় ৷ নৰহৰি সমন্বয় ক্ষেত্ৰত পুৱা অস্থায়ী নামঘৰত আসন প্ৰতিষ্ঠা লগতে হৰিনাম গুণানুকীৰ্তন কৰাৰ অন্তত ভকত বৈষ্ণৱসকলে হৰিনামেৰে মুখৰিত কৰি তোলে ৷ ভকত অনন্ত গগৈয়ে আঁত ধৰা অনুষ্ঠানটোত শ্ৰীমন্তশঙ্কৰদেৱ নামধৰ্ম সেৱক সমাজৰ প্ৰাক্তন পদাধিকাৰ তথা বৈষ্ণৱ পন্ডিত অসম কুমাৰ নৱ ব্যক্তি ৰ উপৰিও পদাধিকাৰ নৰেন্দ্ৰ গগৈ , উপ-পদাধিকাৰ বদন বৰাৰ লগতে প্ৰধান সম্পাদক টংকেশ্বৰ বৰাৰ উপস্থিতিত সহস্ৰাধিক ভকতৰ উপস্থিতিত লাইখুঁটা স্থাপন কৰা হয় ৷ অনুষ্ঠানত গায়ন বায়ন পৰিৱেশনৰ লগতে গুৰুঘাট পৰিৱেশন আৰু আয়তীসকলে হৰিনামেৰে মুখৰিত কৰি তোলে ৷ লাইখুঁটা স্থাপনৰ অন্তত পদাধিকাৰ নৰেন্দ্ৰ গগৈ আৰু বৈষ্ণৱ পন্ডিত অসম কুমাৰ নৱ ব্যক্তিয়ে ভকতক উদ্দেশ্যি বক্তব্য প্ৰদান কৰাৰ লগতে মাৰ্কদশন কৰে ৷