થરાદના ધારાસભ્ય શંકરભાઇ ચૌધરીની ગુજરાત વિધાનસભાના અધ્યક્ષ પદે વરણી કર્યાં બાદ તેમના શુભેચ્છકો દ્વારા તેમને શુભેચ્છાઓ પાઠવવામાં આવી રહી છે. ત્યારે ડીસાના ધારાસભ્ય પ્રવિણભાઇ માળી, નગરપાલિકાના પ્રમુખ રાજુભાઇ ઠક્કર, ઉપપ્રમુખ સવિતાબેન હરિયાણી સહીત નગરપાલિકાના સદસ્ય અને ભાજપના આગેવાનોએ ગાંધીનગરમાં વિધાનસભાના અધ્યક્ષ શંકરભાઇ ચૌધરીની શુભેચ્છા મુલાકાત લઇ તેમને શુભેચ્છાઓ પાઠવી હતી.

આ પ્રસંગે અમૃતભાઇ દવે, રમેશભાઇ દેલવાડીયા, ચેતનભાઇ ત્રિવેદી, સંજયભાઇ બ્રહ્મભટ્ટ, નિલેશભાઇ ઠક્કર, પ્રશાંતભાઇ ભાટી, નયનાબેન પરમાર, શૈલેષભાઇ રાયગોર, ગોવિંદભાઇ માખીજા, રમેશભાઇ માજીરાણા, રાજુભાઇ ઠાકોર, રવિભાઇ ઠક્કર સહીત નગરપાલિકાના સદસ્યો અને ભાજપના આગેવાનો મોટી સંખ્યામાં ઉપસ્થિત રહ્યા હતા.