চৰাইদেউ জিলাৰ মৰাণহাটত টাই অধ্যয়ণ আৰু গৱেষণা প্ৰতিষ্ঠানত আজিৰ পৰা গৱেষণা পদ্ধতিৰ ওপৰত সাত দিনীয়া এক ৰাষ্ট্ৰীয় পৰ্য্যায়ৰ কৰ্মশালা আৰম্ভ হৈছে। প্ৰতিষ্ঠানটোৰ সঞ্চালক ড°গিৰীণ ফুকনে সঞ্চালনা কৰা কৰ্মশালাখনি উদ্বোধন কৰে মাজুলীৰ সাংস্কৃতিক বিশ্ব বিদ্যালয়ৰ উপাচাৰ্য ড° নিৰোদ বৰুৱাই। মৰাণ মহিলা মহাবিদ্যালয়ৰ অধ্যাপিকা ড° ৰীমা কটকীয়ে আঁত ধৰা উদ্বোধনী অনুষ্ঠানৰ লগত সংগতি ৰাখি ড°গিৰীণ ফুকনৰ সম্পাদিত গ্ৰন্থ "টাই ভাষাৰ সাহিত্যৰ জিলিঙণি" উন্মোচন কৰে ড° নিৰোদ বৰুৱাই। অনুষ্ঠানত শ্বিলং স্থিত উত্তৰ পূৱ পাৰ্বত্য বিশ্ববিদ্যালয়ৰ অধ্যাপক অমৰেন্দ্ৰ কুমাৰ ঠাকুৰ , ডিব্ৰুগড় বিশ্ব বিদ্যালয়ৰ ৰাজনীতি বিজ্ঞান বিভাগৰ মুৰব্বী অধ্যাপিকা ড° ডলী ফূকনে বক্তব্য ৰাখে। উল্লেখযোগ্য যে এই সাত দিনীয়া কৰ্মশালাত দেশৰ বিভিন্ন মহাবিদ্যালয় , বিশ্ববিদ্যালয়ৰ মুঠ একাৱন্ন গৰাকী অধ্যাপক -অধ্যাপিকাৰ লগতে গৱেষণাৰত ছাত্ৰ-ছাত্ৰীয়ে গৱেষণা পত্ৰ পাঠ কৰিব।