আজি ২০২৩ চনৰ পহিলা জানুৱাৰী৷বিভিন্ন ঐতিহাসিক ঠাইৰ লগতে নলবাৰী জিলাৰ বৰভাগৰ দোকোহাঁ গাৱঁৰ থেঠাঁ গোসাঁই থানটো পূৱাৰে পৰা অজস্ৰ ভক্তপ্ৰাণ ৰাইজৰ সমাগম হোৱা দেখা যায়৷পাগলাদিয়া নৈৰ পাৰত সুন্দৰ প্ৰাকৃতিক পৰিবেশত অৱস্থিত উক্ত থান চৌহদত অতীতৰে পৰা বনভোজৰ দলৰো আগমন ঘটে৷আজি পহিলা জানুৱাৰী উপলক্ষে অৰ্ধশতাধিক বনভোজৰ দলে উক্ত থানত বনভোজ খোৱা দেখা যায়৷গীত নৃত্য আৰু চাউণ্ডছেটৰ শব্দত উত্তাল হৈ পৰিছিল সমগ্ৰ চৌহদটো৷ইতিমধ্যে থান পৰিচালনা সমিতি আৰু স্থানীয় কমাৰকুছি আৰক্ষী চকীৰ আৰক্ষী দলে বনভোজৰ দল সমূহৰ প্ৰতি তীক্ষ্ণ নজৰ ৰাখিছে৷এটা সুন্দৰ পৰিবেশৰ মাজত আজিৰ দিনটো অতিবাহিত কৰা বুলি থান পৰিচালনা সমিতিয়ে জানিব দিছে৷