নাৰায়ণপুৰ শিক্ষা খন্ডৰ অন্তৰ্গত ৰাধাপুখুৰী প্ৰাথমিক বিদ্যালয়ত প্ৰতিবছৰৰ দৰে এইবাৰো ব্যতিক্ৰম  ধৰনে নতুন বছৰক আদৰণি জনালে বিদ্যালয়ৰ পৰিয়ালে ৷ প্ৰধান শিক্ষয়িত্ৰী মনোৰঞ্জনা দেউৰী আৰু জ্যেষ্ঠ শিক্ষক ৰুবুল শইকীয়াৰ নেতৃত্বত বিদ্যালয়খনত সকলো শিক্ষাগুৰু , ছাত্ৰ-ছাত্ৰী আৰু অভিভাৱক মিলি বিদ্যালয়ৰ চৌদিশে বন্তি প্ৰজ্বলন কৰাৰ লগতে ধুপ-ধূনা জ্বলাই ভগৱানৰ শ্ৰীচৰনত প্ৰাৰ্থনা জনাই ৷ আনহাতে ছাত্ৰ-ছাত্ৰীসকলে আজিৰ দিনটোত শিক্ষাগুৰুসকলৰ শ্ৰীচৰণত গুৰুসেৱা কৰাৰ লগতে পিতৃ-মাতৃৰ চৰণত সেৱা জনাই আশীৰ্বাদ গ্ৰহণ কৰি বছৰটোৰ বাবে সংকল্প গ্ৰহণ কৰে ৷ বছৰৰ প্ৰথম দিনটোত নিজৰ লগতে সমাজ আৰু বিদ্যালয়ৰ কুশল মঙ্গল কামনাৰ লগতে ছাত্ৰ-ছাত্ৰীসকলে সুনাগৰিক হোৱাৰ সংকল্প গ্ৰহণো কৰে ৷ বিদ্যালয়খনৰ ব্যতিক্ৰমী প্ৰয়াসক সাউকুছি গাঁৱৰ ৰাইজে সদযোগিতা আগবঢ়াই সমগ্ৰ পৰিৱেশটো জীপাল কৰি তোলে ৷ এখন চৰকাৰী বিদ্যালয়ৰ ব্যতিক্ৰমী প্ৰয়াসে বহুজনৰ মন মুগ্ধ কৰি তোলে ৷