માંડવી તાલુકાના પાંચોટિયામાં ઝડપાયેલા લાખોની કિંમતના શરાબના કેસના મુખ્ય આરોપીના પોલીસે રિમાન્ડ મેળવ્યા છે.પોલીસ સૂત્રો પાસેથી' મળતી વિગતો મુજબ આરોપી દેવરાજ ગઢવીને એલ.સી.બી.એ ઝડપી પાડયો હતો. આરોપી અમદાવાદ ગ્રામ્યના વિરમગામ પોલીસ મથકના કેસમાં પણ ફરાર હતો અને તેની સામે' માંડવીમાં જ 17 જેટલા શરાબ હેરફેરના ગુના નોંધાયેલા છે. આરોપીને રિમાન્ડની માંગ સાથે કોર્ટમાં રજૂ કરાયો હતો. અદાલતે' તેના' આઠ દિવસના રિમાન્ડ મંજૂર કર્યા હતા. રિમાન્ડ દરમ્યાન આ કેસમાં અન્ય મહત્ત્વની કડીઓ મેળવવા પોલીસે તપાસનો ધમધમાટ આદર્યો છે.