ગાંધીધામ : પૂર્વ કચ્છમાં ફરજ બજાવતા પોલીસ કર્મચારીઓને નવાવર્ષ ર૦ર૩ની ભેટ મળી હોય તેમ અલગ અલગ પોલીસ સ્ટેશનમાં ફરજ બજાવતા લોકરક્ષક, કોન્સ્ટેબલ, હેડ કોન્સ્ટેબલ અને એએસઆઈ કક્ષાના કુલ ૩૭ પોલીસ કર્મચારીઓને માંગણી પ્રમાણે પદર ખર્ચે બદલી આપવામાં આવી છે.જયારે ૭ પોલીસ કર્મચારીઓની જાહેરહિતમાં બદલી કરાઈ છે. જેમાં ૬ ડ્રાઈવરનો સમાવેશ થાય છે. આ સાથે પ૦ વર્ષની ઉંમર પૂર્ણ કરનારા બિનહથિયારી પોલીસ કોન્સ્ટેબલને બિનહથિયારી હેડ કોન્સ્ટેબલ તરીકે હંગામી ધોરણે બઢતી આપી તેઓને હાલની નિમણુંક વાળી જગ્યાએ નોકરી કરવાનો હુકમ એસપી મહેન્દ્ર બગડિયા દ્વારા આપવામાં આવ્યો છે.