আজিৰে পৰা দুদিনীয়া কাৰ্যসুচীৰে নাৰায়ণপুৰৰ ঐতিহাসিক মাঘনোৱা দৌলত অনুষ্ঠিত হৈছে পয় খেক বান ফী ৷ ১৯৯৭ চনৰে পৰা সদৌ অসম ফুৰালুং সমাজৰ সভাপতি নগেন গগৈ উদ্যোগত নামনি লখিমপুৰ ফুৰালুং সমাজৰ সহযোগত দেশৰ লগতে সমাজত শান্তি আৰু মংগলৰ কামনাৰে ৩১ ডিচেম্বৰ তাৰিখে অনুষ্ঠিত হৈছিল পয় খেক বান ফী ৷ ইয়াৰ পাচৰে পৰা ক্ৰমাগতভাৱে প্ৰতিবছৰে উদ্‌যাপন কৰি অহা অনুষ্ঠানভাগৰ এই বছৰত ৰূপালী জয়ন্তী বৰ্ষ উপলক্ষ্যে ঐতিহাসিক মাঘনোৱা দৌল প্ৰাঙ্গণত দুদিনীয়া কাৰ্যসুচীৰে আজিৰে পৰা উদ্‌যাপন কৰা হৈছে ৷ পুৱা বিন-খ্ৰিন-ফা (পতাকা) উত্তোলন কৰে উদ্‌যাপন সমিতিৰ সভাপতি হৰেন গগৈয়ে আৰু মে-ময়ডাম তৰ্পন কৰে ৰঙতি গাঁও পঞ্চায়ত সভাপতি ৰাতুল বৰপাত্ৰগোহাঁয়ে ৷ দিনটোত ছাত্ৰ ছাত্ৰীৰ মাজত চিত্ৰাংকন আৰু কুইজ প্ৰতিযোগিতা অনুষ্ঠিত হোৱাৰ লগতে ফুৰা নাম অনুষ্ঠিত হয় ৷ কাইলে মুল দিনটোত পুজা আৰু মুকলি সভা অনুষ্ঠিত হ’ব ৷