অৰুণোদয় মাহ - ২০২২' উদযাপন উপলক্ষে অৰুণোদয় 'চুপাৰভাইজাৰ' আৰু 'ভেৰিফিকেচন টীম'ৰ এক প্ৰশিক্ষণ কাৰ্যসূচী আজি বিশ্বনাথত অনুষ্ঠিত হৈ যায়। বিশ্বনাথ জিলা প্ৰশাসনৰ উদ্যোগত বিশ্বনাথ মহাবিদ্যালয়ৰ প্ৰেক্ষাগৃহত বিশ্বনাথ জিলাৰ উপায়ুক্ত মুনীন্দ্ৰ নাথ ঙাটেৰ উপস্থিতিত অনুষ্ঠিত এই প্ৰশিক্ষণত অৰুণোদয় 'চুপাৰভাইজাৰ' আৰু 'ভেৰিফিকেচন টীমে' জিলাখনৰ অৰুণোদয় হিতাধিকাৰীসকলৰ ঘৰে ঘৰে গৈ কেনেদৰে জৰীপ কৰিব লাগিব সেই সম্পৰ্কে সবিশেষ অবগত কৰা হয়। বিশ্বনাথৰ অতিৰিক্ত উপায়ুক্ত কুলেন শৰ্মা, শ্ৰম বিষয়া নন্দিনী ফুকন, সহকাৰী নিয়োগ বিষয়া ৰাখী ভট্টাচাৰ্য দে আৰু বিশ্বনাথ জিলা এন আই চিৰ নেটৱৰ্ক ইঞ্জিনিয়াৰ বিপ্লৱ চৌধুৰীয়ে প্ৰশিক্ষণ প্ৰদান কৰা এই অনুষ্ঠানত উপায়ুক্ত মুনীন্দ্ৰ নাথ ঙাটেই দায়িত্ব প্ৰাপ্ত সকলক সেই কাম সুচাৰুৰূপে সম্পাদন কৰিবলৈ আহ্বান জনায়। উল্লেখ্য যে সমগ্ৰ অসমৰ লগতে বিশ্বনাথ জিলাটো ২০ আগষ্টৰ পৰা ২০ চেপ্তেম্বৰলৈ অৰুণোদয় মাহ - ২০২২ পালন কৰা হ'ব। সেই অনুসৰিয়েই আজি সমগ্ৰ জিলাখনত অৰুণোদয় হিতাধিকাৰীসকলৰ জৰীপ কৰিবলৈ সৰ্বমুঠ ৮১ গৰাকী চুপাৰভাইজাৰ আৰু ৩২৪ গৰাকী 'টীম মেম্বাৰ'ক প্ৰশিক্ষণ প্ৰদান কৰা হয়। উল্লেখ্য যে সমগ্ৰ বিশ্বনাথ জিলাত ৪৭,৫০০ গৰাকী অৰুণোদয় হিতাধিকাৰী আছে আৰু ২০ আগষ্টৰ পৰা উদযাপিত হব লগা অৰুণোদয় মাহত এই সকলৰ ঘৰে ঘৰে গৈ জৰীপ কৰা হব।
ओम धगाल - पूर्व प्रदेश कार्यकारिणी सदस्य भाजपा युवा मोर्चा
ओम धगाल की और से हिंडोली विधानसभा क्षेत्र एवं बूंदी जिले वासियों को रौशनी के त्यौहार दीपावली की हार्दिक बधाई व शुभकामनाएं
