নলবাৰী জিলাৰ বৰভাগ ৰাজহচক্ৰৰ অন্তৰ্গত দেহাৰকুছি গাওঁ নিবাসি কুসুম দেৱী(৬৮)ৰ আজি আবেলি নিজ বাসভৱনত মৃত্যু হয়৷উল্লেখ্য যে যোৱা ২৩ ডিচেম্বৰ আবেলি নিজ গৃহত দৈনন্দিন কৰ্মকৰি থাকোতে উচ্চ ৰক্তচাপ জনিত ৰোগত গুৰুতৰ ভাবে অসুস্থ হৈ পৰে৷লগে লগে ওচৰচুবুৰীয়াই তৎপৰাতাৰে প্ৰাথমিক চিকিৎসা কৰাৰ অন্তত নলবাৰীৰ এখন বেচৰকাৰী চিকিৎসালয়ত ভৰ্তি কৰাই৷উক্ত চিকিৎসালয়ত তিনিদিন ধৰি চিকিৎসা কৰিও কোনো সুফল নোপোৱাত আজি নিজ গৃহলৈ উভতাই অনাৰ কিছু মুহুৰ্তৰ পিচতে তেওঁৰ মৃত্যু হয়৷জিৱীত কালত অঞ্চলটোৰ সকলো ধৰ্মীয় অনুষ্ঠানতে জৰিত থকাৰ লগতে এগৰাকী নিপুণ শিপিনী হিচাবে পৰিচিত আছিল৷আজি তেওঁৰ মৃত্যুত পশ্চিম বড়িগোগ সাৰ্বজনীন শ্ৰীশ্ৰী দুৰ্গা মণ্ডপ,দেহাৰকুছি মনসাপীঠ,দেহাৰকুছি কালিমন্দিৰ,মহিলা সমাজ আদিকৰি অসংখ্য দল সংগঠন আৰু অনুষ্ঠান প্ৰতিষ্ঠানে গভীৰ শোক প্ৰকাশ কৰাৰ লগতে শোকসন্তপ্ত পৰিয়াললৈ সমবেদনা জ্ঞাপন কৰে৷মৃত্যুৰ সময়ত তেওঁ পতি সহ এগৰাকী পুত্ৰ,চাৰি গৰাকী বিবাহিত জীজোঁৱাইৰ লগতে অজস্ৰ গুনমুগ্ধক ইহসংসাৰত এৰি যায়৷৷