નવાગામ ગામે 22 વર્ષીય મહિલાએ ઝેરી દવા પીધી : સારવાર અર્થે હોસ્પિટલ ખાતે ખસેડવામાં આવ્યા
મળતી માહિતી અનુસાર ડેડીયાપાડા તાલુકાના નવાગામ ગામે આ કામે મરણ જનાર અંકિતાબેન રાહુલભાઈ વસાવા ના પતિ તથા તેમના સાસુ તારીખ 10/12/2022 ના રોજ પોતાના ખેતરે કપાસ વીણવા માટે ગયા હતા ત્યાર બાદ અંકિતાબેન વસાવા નાઓ પાછળથી ખેતરે કપાસ વીણવા માટે ગયેલ અને તેમના પતિ રાહુલભાઈ વસાવાને જણાવેલ કે મને ખેતરે કેમ લઈ આવ્યા નથી એકલા ખેતરે આવતા રહેલ છો તેમ કહી ગુસ્સામાં આવીને ખેતરેથી પરત પોતાના ઘરે આવી પોતાની જાતે કપાસમાં છાંટવાની દવા પી ગયા હોવાની ઘટના બની હતી તેથી તેઓને સારવાર અર્થે ડેડીયાપાડા હોસ્પિટલ ખાતે ખસેડવામાં આવ્યા હતા જ્યાં ટૂકી સારવાર કર્યા બાદ વધુ સારવાર અર્થે રાજપીપલા સિવિલ હોસ્પિટલ ખાતે ખસેડવામાં આવ્યા હતા ત્યાંથી ટુંકી સારવાર કર્યા બાદ વધુ સારવાર અર્થે દેવ હોસ્પિટલ સેગવા ખાતે ખસેડવામાં આવેલ છે અને હાલ દર્દી સારવાર હેઠળ હોવાનું જાણવા મળેલ છે સદર ઘટનાની જાણ ડેડીયાપાડા પોલીસ ને થતા ડેડીયાપાડા પોલીસે કાયદેસર તપાસ હાથ ધરી છે
