নাৰায়ণপুৰৰ ঐতিহ্যমণ্ডিত বৰখামতি পথাৰ খ্যাত মণিকাঞ্চন ক্ষেত্ৰত অনুষ্ঠিত হ’ব লগীয়া অসম সাহিত্য সভাৰ ষষ্ঠসপ্ততিতম পূৰ্ণাংগ নাৰায়ণপুৰ অধিৱেশনৰ ১৫ ডিচেম্বৰত অনুষ্ঠিত হ’ব লাই খুটা স্থাপনৰ মাঙ্গলিক অনুষ্ঠান ৷ লখিমপুৰ জিলাৰ উদ্যোগত আৰু ধেমাজী , বিশ্বনাথ আৰু মাজুলী জিলাৰ সহযোগত অহা ৩১ জানুৱাৰীৰ পৰা ৪ ফ্ৰেব্ৰুৱাৰীলৈকে অনুষ্ঠিত হ’ব লগা অসম সাহিত্য সভাৰ পূৰ্ণাংগ অধিৱেশন খনৰ লাই খুটা স্থাপন অনুষ্ঠানত মুখ্য অতিথি ৰুপে উপস্থিত থাকিব অসম চৰকাৰৰ পৰ্যটন আৰু জনস্বাস্থ্য কাৰীকৰি বিভাগৰ মন্ত্ৰী জয়ন্তমল্ল বৰুৱা , বিশিষ্ট অতিথি ৰুপে উপস্থিত থাকিব অসম সাহিত্য সভাৰ সভাপতি ড° কুলধৰ শইকীয়া , প্ৰধান সম্পাদক যাদৱ চন্দ্ৰ শৰ্মা , মাধৱদেৱ বিশ্ববিদ্যালয়ৰ উপাচাৰ্য ড° দিবাকৰ চন্দ্ৰ ডেকা আৰু লখিমপুৰ জিলা উপায়ুক্ত সুমিত সাত্তাৱন ৷ লগতে সন্মানীয় অতিথি ৰুপে উপস্থিত থাকিব সাংসদদ্বয় পল্লৱলোচন দাস আৰু প্ৰদান বৰুৱা, বিধায়ক ক্ৰমে উৎপল বৰা, নৱ কুমাৰ দলে , ভৰত নৰহ , ভূৱন গাম আৰু মানৱ ডেকা ৷ অনুষ্ঠানত নিমন্ত্ৰিত অতিথি ৰুপে একাধিক সত্ৰাধিকাৰ আৰু ধৰ্মীয় মুৰব্বী উপস্থিত থাকিব বুলি জানিবলৈ দিয়ে ৷ আনহাতে অনুষ্ঠানত সহযোগী জিলা কেইখনৰ সাহিত্য সভা বিষয়ববীয়া , বিশিষ্ট ব্যক্তি , সাহিত্যনুৰাগী আৰু লখিমপুৰ জিলা সাহিত্য সভাৰ বিষয়ববীয়া আৰু সাহিত্যনুৰাগী উপস্থিত থাকিব ৷ আদৰণি সমিতিৰ হৈ সম্পাদক মাখন তামুলী আৰু সভাপতি অমিয় কুমাৰ ভুঞাই সকলো সাহিত্যনুৰাগীৰ উপস্থিতি কামনা কৰিছে ৷