IIMA અમદાવાદ એક અગ્રણી વૈશ્વિક મેનેજમેન્ટ સંસ્થાએ આજે તેનો પોસ્ટ ગ્રેજ્યુએટ પ્રોગ્રામ ઇન મેનેજમેન્ટ (EPGP) અને ઇ-પોસ્ટ ગ્રેજ્યુએટ ડિપ્લોમા ઇન એડવાન્સ્ડ બિઝનેસ એનાલિસિસ (EPGD-ABA શરૂ કર્યો છે. આજના આ દિવસે કેમ્પસમાં સ્પેશિયલ ઇન-પર્સન કોન્વોકેશન વિદ્યાર્થીઓ માટે યોજવામાં આવ્યો હતો.
આ દિક્ષાંત સમારોહની અધ્યક્ષતા આઈઆઈએમએ બોર્ડ ઓફ ગવર્નર્સના અધ્યક્ષ પંકજ આર. પટેલે કરી હતી, જેઓ ઝાયડસ લાઈફસાયન્સ લિમિટેડના ચેરમેન પણ છે. તેઓ આ સમારોહમાં પ્રોફેસર એરોલ ડીસોઝા, ડાયરેક્ટર, બોર્ડ ઓફ ગવર્નર્સના સભ્યો, ડીન, પ્રોગ્રામ ચેર અને અન્ય ફેકલ્ટી સભ્યો, સ્ટાફ, ભૂતપૂર્વ વિદ્યાર્થીઓ, સ્નાતક વિદ્યાર્થીઓ અને તેમના પરિવારના સભ્યો સાથે જોડાયા હતા.
કુલ 105 વિદ્યાર્થીઓ – 63 EPGPમાંથી અને 42 EPGD-ABA પ્રોગ્રામમાંથી આ વર્ષે માસ્ટર ઓફ મેનેજમેન્ટ સ્ટડીઝ અને એડવાન્સ્ડ બિઝનેસ એનાલિટિક્સમાં પોસ્ટ ગ્રેજ્યુએટ ડિપ્લોમા પૂર્ણ કર્યુ છે.
દીક્ષાંત સંબોધન કરતાં પંકજ આર. પટેલ, ચેરમેન IIMA બોર્ડ ઓફ ગવર્નર્સે જણાવ્યું હતું કે ભવિષ્યના કાર્યસ્થળે એવા કર્મચારીઓની જરૂર પડશે જેઓ એકીકૃત રીતે સહયોગ કરી શકે. આઉટ-ઓફ-ધ-બૉક્સ વિચારો રજૂ કરી શકે, વિવિધતા દર્શાવી શકે અને ડિજિટલ ટેક્નોલોજીમાં કુશળતા ધરાવતા હોય.
તેમણે કાર્યકારી પ્રોફેશનલ્સમાં ડિજિટલ અપસ્કિલિંગની જરૂરિયાત પર ભાર મૂક્યો અને કહ્યું, “જ્યારે આપણે વિક્ષેપો અને ભાવિ દૃષ્ટિકોણની વાત કરીએ છીએ ત્યારે ડિજિટલ તકનીકો તેના મૂળમાં છે.
તે એક સાયલન્ટ ક્રાંતિ છે જે વ્યાપકપણે ફેલાઈ રહી છે અને આપણે કેવી રીતે જીવીએ છીએ, કાર્ય કરીએ છીએ અને વિચારીએ છીએ તે એક નવા યુગ તરફ દોરી જશે.
આ પરિવર્તન માટે અમે જે ઝડપ અપનાવીએ છીએ તે અમને લાભ આપશે. તેની શક્તિ એ જાણવામાં રહેલી છે કે તે આપણા વ્યવસાયોને કેવી રીતે પરિવર્તિત કરી શકે છે અને સંગઠનાત્મક પરિવર્તનને સક્ષમ કરી શકે છે જેથી મોટી સંસ્થા પણ પરિવર્તન સાથે ગતિ જાળવી શકે.
