कोरेगाव भीमात भंगार व्यावसायिकाला मारहाण करून पैसे लांबवले
( शिक्रापूर प्रतिनिधी ) कोरेगाव भीमा त. शिरुर येथील येथील एका भंगार व्यावसायिकास तीन अज्ञात युवकांनी मारहाण करत लुटून मारहाण करणाऱ्या युवकांनी त्यांची दुचाकी घटनास्थळी सोडून पलायन केल्याची घटना घडली असल्याने शिक्रापूर पोलीस स्टेशन येथे अज्ञात तीन युवकांवर गुन्हे दाखल करण्यात आले आहे.
कोरेगाव भीमा ता. शिरुर येथील भंगार व्यावसायिक रात्रीच्या सुमारास त्यांच्या दुकानात झोपलेले असताना तीन युवक दरवाजाची तार तोडून आतमध्ये आले, यावेळी दुकानात झोपलेल्या फारुख खान याला जबर मारहाण करत दुकानात ठेवलेले दहा हजार रुपये काढून घेतले, यावेळी पैसे घेण्यास नकार करणाऱ्या खान याला ढकलून देत चोरटे बाहेर आले आसरा खान याने आरडाओरडा केल्याने चोरट्यांनी त्यांची एम एच १२ आर डी ७१३३ हि दुचाकी सोडून पलायन केले, दरम्यान येथील नागरिकांनी जखमी फारुख खान याला उपचारासाठी जवळील रुग्णालयात पाठवून दिले, याबाबत फारूक जियाउल्ला खान वय २४ वर्षे रा. सावली हॉटेल जवळ कोरेगाव भीमा ता. शिरुर जि. पुणे मूळ रा. गणेश पेठ पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात तीन चोरट्यांवर गुन्हे दाखल केले असून पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस निरीक्षक वैभव पवार व पोलीस शिपाई नीरज पिसाळ हे करत आहे.
