নলবাৰী জিলাৰ বৰভাগ ৰাজহচক্ৰৰ অন্তৰ্গত দেহাৰকুছি নিবাসী তথা আভ্যন্তৰীণ জল পৰিবহণ বিভাগৰ কৰ্মচাৰী মুনীন্দ্ৰ শৰ্মা(৫৪)ৰ আজি দিনৰ ভাগত গুৱাহাটী মহানগৰীৰ এখন বেচৰকাৰী চিকিৎসালয়ত চিকিৎসাধীন অৱস্থাত মৃত্যু হয়৷বহুত দিনৰ পৰা যকৃত ৰোগত আক্ৰান্ত শৰ্মাই কিছুদিন আগৰে পৰা বেচৰকাৰী চিকিৎসালয় খনত চিকিৎসাধীন হৈছিল৷আজি তেওঁৰ মৃত্যুৰ পিছতে জন্মস্থান দেহাৰকুছি অঞ্চলত শোকৰ ছাঁ পৰে৷তেওঁৰ মৃত্যুৰ বাতৰি পোৱাৰ লগতে অজস্ৰ ব্যক্তি , দল সংগঠন তথা অনুষ্ঠান প্ৰতিষ্ঠানে শোক প্ৰকাশ কৰি শোকসন্তপ্ত পৰিয়াল বৰ্গলৈ সমবেদনা জনাই৷মৃত্যুৰ সময়ত তেওঁ পত্নী সহ দুই পুত্ৰ কন্যা সমন্বিতে অজস্ৰ গুনমুগ্ধক ইহসংসাৰত এৰি যায়৷৷