নাৰায়ণপুৰ উন্নয়ন খন্ডৰ অন্তৰ্গত শিমলুগুৰি গাঁও পঞ্চায়তত আজি ধান ক্ৰয় কেন্দ্ৰৰ উদ্বোধন কৰা হয় ৷ গ্ৰামাঞ্চলৰ কৃষকে চৰকাৰে নিধাৰণ কৰা ধানৰ উচিত মূৰ্ল্য লাভ কৰাৰ লগতে সহজতে উৎপাদিত ধান বিক্ৰী কৰিবৰ বাবে ৰাজ্য চৰকাৰে পঞ্চায়তে পঞ্চায়তে স্থাপন কৰা ধান ক্ৰয় কেন্দ্ৰ আঁচনিৰ জৰিয়তে শিমলুগুৰি গাঁও পঞ্চায়তটোত কেন্দ্ৰটো মুকলি কৰা হয় ৷ স্থানীয় বিধায়ক অমিয় কুমাৰ ভূঞাই লখিমপুৰ জিলা উপায়ুক্ত সুমিত চাট্টাৱন আৰু শিমলুগুৰি পঞ্চায়ত সভানেত্ৰী শিখামনী বৰকটকীৰ উপস্থিতিত কেন্দ্ৰটো মুকলি কৰে ৷ কেন্দ্ৰটো মুকলি পাছত জিলা উপায়ুক্ত গৰাকীয়ে পঞ্চায়তৰ বিভিন্ন উন্নয়ন মূলক কামৰ বিষয়ে পঞ্চায়ত সভানেত্ৰী আৰু প্ৰতিনিধিৰে আলোচনা কৰে ।