গহপুৰ মহকুমাধিপতিৰ কাৰ্যালয়ত স্থাপিত আৰু বীৰাংগনা কনকলতাৰ নামত উৎসৰ্গিত #কনকলতা_পুথিভঁৰাল খন সমৃদ্ধিশালী কৰি তোলাৰ উদ্দেশ্যে মহকুমাধিপতি দীপন বৰ্মনে জনসাধাৰণৰ প্ৰতি আগবঢ়োৱা আহ্বানৰ প্ৰতি সঁহাৰি জনাই স্বাধীনতা সংগ্ৰামী মনমোহন দে’ৰ স্মৃতিত তেওঁৰ সন্তান ডাঃ কৃষ্ণ কুমাৰ দে’য়ে কনকলতা পুথিভঁৰাললৈ এটা আলমাৰিৰ লগতে পাঁচখন গ্ৰন্থ দান কৰে। গহপুৰৰ জ্যেষ্ঠ সাংবাদিক তথা কবি সাহিত্যিক নগেন কোঞৰে নিজা শেহতীয়া গ্ৰন্থ এখন প্ৰদান কৰাৰ লগতে বিশিষ্ট কবি লোকেশ্বৰী সন্দিকৈয়ে নিজা শেহতীয়া গ্ৰন্থ দুখন পুথিভঁৰাললৈ প্ৰদান কৰে। তেখেতসকলৰ এই মহানুভৱতাৰ প্ৰতি সন্মান জনাই মহকুমা প্ৰশাসনৰ ফালৰ পৰা তেখেতসকলক একোখনকৈ ফুলাম গামোচা আৰু মানপত্ৰৰে সম্বৰ্দ্ধনা জনোৱা হয় ৷