বৰভাগ ৰাজহচক্ৰৰ অন্তৰ্গত বৰগাছা ভৰালঁটোলা শ্ৰীশ্ৰী গোপাল নামঘৰৰ নৱনিৰ্মীত মণিকুটটো আজি সম্পূৰ্ণ আধ্যাত্মিক ৰীতিনীতি অনুযায়ী উদ্বোধন কৰে৷তদুপলক্ষে আজি পূৱা ধৰ্মীয় পতাকা উত্তোলন কৰাৰ পিচতে এক বৰ্নিল ভাগৱত শোভাযাত্ৰা উদ্বোধন কৰে নলবাৰী জিলা বাৰ্তাজীৱী সংঘৰ সভাপতি নৰেন শৰ্মাই৷উল্লেখ্য যে চুবুৰিটোৰ একাংশ ধৰ্মপ্ৰাণ লোকৰ প্ৰচেষ্টাত তাহানিতে নামঘৰটো প্ৰতিষ্ঠা কৰিছিল৷আনহাতে নামঘৰটোৰ সভাঘৰটো সম্পূৰ্ণ হৈ আছিল৷কেৱল মণিকুটটো অসম্পূৰ্ণ অৱস্থাত আছিল৷অৱশেষত চুবুৰিটোৰ ধৰ্মপ্ৰাণ ব্যক্তি প্ৰমোদ ডেকাই তেওঁৰ পৰিয়ালৰ সহযোগত প্ৰয়াত অভিৰাম ডেকা আৰু অযোধ্যা বালা ডেকাৰ পবিত্ৰ স্মৃতিত মণিকুটটো সম্পূৰ্ণকৈ নিৰ্মাণ কৰি ৰাইজক অৰ্পণ কৰে৷পুৰুহিতৰ মন্ত্ৰোচ্চাৰণ,আয়তীৰ উৰুলি,ভাগৱত পাঠ আদি আধ্যাত্মিক পৰিবেশৰ মাজত মণিকুট উদ্বোধনী অনুষ্ঠানত অসংখ্য ৰাইজৰ সমাগম ঘটে৷নিশা দুটি আমন্ত্ৰিত নাগাৰা নাম দলৰ নাগাৰানাম প্ৰদৰ্শন কৰে৷